സ്നേഹസ്പർശനമായി കൺമുൻപിൽ:A spark of love to open your eyes-133

 133.ചിലത് വേണ്ടെന്ന് വെച്ചാൽ ചിലത് നേടാൻ കഴിയും.

നമ്മുടെയൊക്കെ ജീവിതത്തിൽ നമ്മൾക്ക് വേണമെന്ന് ആഗ്രഹിക്കുന്ന ഒരുപാട് കാര്യങ്ങൾ ഉണ്ടാകുമല്ലോ.ഏതൊരു കാര്യം നേടണം എങ്കിൽ ആഗ്രഹം മാത്രം പോരല്ലോ അതിനുള്ള പരിശ്രമവും ആവശ്യമാണല്ലോ.പരിശ്രമം ഫലവത്താവണം എങ്കിൽ നമ്മൾക്ക് ആവശ്യം ഇല്ലാത്ത പലതും ഉപേക്ഷിക്കേണ്ടി വരും.ചിലർക്ക് സാഹചര്യം കൊണ്ട് പലതും ഉപേക്ഷിക്കേണ്ടി വരാറുണ്ട്.നമ്മൾ പലപ്പോഴും പലതും വേണ്ടെന്ന് വെക്കാറുണ്ട്. ഒരുപക്ഷെ നമ്മൾക്ക് ഇഷ്ടം ഇല്ലാത്തത് കൊണ്ടായിരിക്കാം അതല്ലെങ്കിൽ മറ്റുള്ളവർക്ക് അവസരം കിട്ടട്ടെ എന്ന് കരുതിയുമാകാം.നമ്മൾക്ക് ഈ ജീവിതം കൊണ്ട് എന്തെങ്കിലും നേടിയെടുക്കണം എങ്കിൽ നമ്മൾ ഇപ്പോൾ ചെയ്തുകൊണ്ടിരിക്കുന്ന തെറ്റായ കാര്യങ്ങൾ ഉപേക്ഷിക്കുക തന്നെ വേണം.

ചിലത് നേടാൻ ചിലത് വേണ്ടെന്ന് വെക്കേണ്ടി വരും എന്ന് നമ്മൾ എപ്പോഴും മനസ്സിൽ ഓർക്കുക.നമ്മുടെ ഓരോരുത്തരുടെയും ലക്ഷ്യം തിരിച്ചറിഞ്ഞു അതിനനുസരിച്ചു നമ്മൾ മുന്നോ ട്ടുള്ള ഓരോ കാര്യങ്ങളും തിരഞ്ഞെ ടുക്കണം.ഒരുപാട് കാര്യങ്ങൾ ലക്ഷ്യം നേടുന്നതിലേക്കായി ഒരുപക്ഷെ നമ്മൾക്ക് ഉപേക്ഷിക്കേണ്ടി വന്നേക്കാം.ആരോഗ്യം മറന്നു ഒന്നും നേടാൻ ശ്രമിക്കരുത്, നമ്മുടെയൊക്കെ ജീവിതത്തിൽ ആരോഗ്യത്തിന് പ്രധാന പരിഗണന കൊടുക്കുക തന്നെ വേണം.ചിലത് വേണ്ടെന്ന് വെച്ചാൽ ചിലത് നേടാൻ കഴിയും എന്ന് മനസ്സിൽ ഓർത്തുകൊണ്ട് എല്ലാവർക്കും മുന്നോട്ടുള്ള ജീവിതത്തിൽ നേട്ടങ്ങൾ നേടിയെടുക്കാൻ സാധിക്കട്ടെ.