സ്നേഹസ്പർശനമായി കൺമുൻപിൽ:A spark of love to open your eyes-135

 135.ചെറുത്ത് തോൽപ്പിക്കുക.

നമ്മളെല്ലാവരും ജീവിതത്തിൽ ഉണ്ടാകുന്ന പ്രതിസന്ധികളെ ഒരുപക്ഷെ പലപ്പോഴായി ചെറുത്തു തോൽപ്പിച്ചിട്ടുള്ളവരാണ്.എന്തിനെയും ചെറുത്തു തോൽപ്പിക്കാൻ ആദ്യം വേണ്ടത് ആന്മധൈര്യമാണ്.എന്തിനെയും ചെറുത്തു തോൽപ്പിക്കുക എന്ന് പറയുന്നത് പലർക്കും വളരെ അധികം വെല്ലുവിളികൾ നിറഞ്ഞൊരു കാര്യമാണ്.നമ്മളിൽ പലരും ചെറുത്തു തോൽപ്പിക്കാൻ കഴിയാതെ പലപ്പോഴും തളർന്നു പോകാറുണ്ട്.നമ്മുടെ തന്നെ മോശം സ്വഭാവങ്ങളെ, ദുശിലങ്ങളെ എല്ലാം ഇല്ലാതെയാക്കാൻ കാര്യമായിട്ട് ചെറുത്തു തോല്പിക്കേണ്ടതായിട്ട് വരും.

നമ്മുടേതായ മോശം സ്വഭാവങ്ങളിൽ നിന്നും നമ്മൾക്ക് കിട്ടുന്ന സുഖം ഉപേക്ഷിക്കാൻ കഴിയാത്തിടത്തോളം മോശം സ്വഭാവത്തെ ചെറുത്തു തോൽപ്പിക്കാൻ നമ്മൾക്ക് എളുപ്പം കഴിയണം എന്നില്ല.നമ്മുടെ മനസ്സ് തളർന്നാൽ ഒരുപക്ഷെ നമ്മളിലേക്ക് പലതരത്തിലുള്ള വിഷമങ്ങളും ബുദ്ധിമുട്ടുകളും എളുപ്പം കടന്നുവരും.

ചെറുത്തു തോൽപ്പിക്കാൻ എല്ലാവർക്കും എളുപ്പം കഴിഞ്ഞെന്ന് വരില്ല.നാളുകൾ നീണ്ട പരിശ്രമം ആവശ്യമായി വന്നേക്കാം.പലതരത്തിലുള്ള സാഹചര്യത്തിലൂടെയാണ് നമ്മൾ എല്ലാവരും ഓരോ ദിവസവും കടന്നുപോകുന്നത്.ശരിയായ അറിവുകൾ നമ്മളെ ചെറുത്തു നിർത്താൻ വളരെ അധികം സഹായിക്കും.നമ്മൾ എല്ലാവരും നമ്മുടെ മുൻപിലുള്ള പ്രശ്‌നങ്ങളെ ചെറുത്തുതോൽപ്പിക്കാൻ എളുപ്പ വഴികൾ തേടികൊണ്ടിരിക്കുകയാണ്.എല്ലാവർക്കും ജീവിത ത്തിൽ ഉണ്ടാകുന്ന വിഷമങ്ങളെ, ദുരിതങ്ങളെ ചെറുത്തു തോൽപ്പിക്കാൻ സാധിക്കട്ടെ.