ഉൾകൊള്ളാൻ ഉൾകാഴ്ചകൾ:The Art of innerspring insight-13

 സാഹചര്യം അനുസരിച്ചു നെഗറ്റീവ് ചിന്തകളും, പോസിറ്റീവ് ചിന്തകളും ഒരു മനുഷ്യനിൽ ഉണ്ടാവാം.

നെഗറ്റീവ് ചിന്തകൾ ഇല്ലാതെ ആവണം എങ്കിൽ നെഗറ്റീവ് ചിന്തകൾക്ക് പകരമായി പോസിറ്റീവ് ചിന്തകൾ നമ്മുടെ മനസ്സിൽ ഉണ്ടാവണം.

അനാവശ്യ ചിന്തകൾ നമ്മളിൽ ഒരുപാട് ബുദ്ധിമുട്ടുകൾ ഉളവാക്കിയേക്കാം, നമ്മുടെ വിലപ്പെട്ട സമയം നഷ്ടപ്പെടുത്തിയേക്കാം.

ഒരാളെക്കുറിച്ച് നമ്മൾക്ക് നല്ലത് ചിന്തിക്കുന്നതിന് തടസ്സം സൃഷ്ടിക്കാൻ നെഗറ്റീവ് ചിന്തകൾ ഒരുപക്ഷെ കാരണം ആയേക്കാം.

നമ്മൾ ചിന്തിക്കുന്നതിലെ ശരിയും തെറ്റും നമ്മൾക്ക് തന്നെ തിരിച്ചറിയാൻ കഴിയണം.

ജീവിതത്തിൽ നമ്മൾക്കൊക്കെ പ്രശ്നം ഉണ്ടാവുമ്പോൾ നമ്മൾ പ്രശ്നത്തിലേക്ക് മാത്രം നോക്കി നിന്നാൽ ഒരിക്കലും നമ്മുടെ പ്രശ്നം മാറില്ലല്ലോ. പ്രശ്നത്തിനു പരിഹാരം കണ്ടെത്താൻ നമ്മൾ ഓരോരുത്തരും ശ്രമിച്ചുകൊണ്ടിരിക്കണം.

നമ്മുടെയൊക്കെ മനസ്സിലുള്ള അനാവശ്യചിന്തകൾ നമ്മൾ തന്നെ വിചാരിച്ചാലാണ് മാറ്റിയെടുക്കാൻ സാധിക്കുക.

എന്തുകൊണ്ടാണ് നമ്മളിലേക്ക് അനാവശ്യചിന്തകൾ കടന്നുവരുന്നത് എന്നത് സ്വയം വിലയിരുത്തി മനസ്സിലാക്കേണ്ടിയിരിക്കുന്നു.

നമ്മൾ മുന്നോട്ട് പോകാനായി ചെയ്യുന്ന ഓരോ കാര്യത്തിലും ശുഭാപ്തി വിശ്വാസം ഉണ്ടാകണം.

ഇന്നുള്ള വിഴ്ചകൾ, പരാജയങ്ങൾ, എല്ലാം നാളെകളിൽ നമ്മുടെ ഭാഗത്തു നിന്നും പരിശ്രമിച്ചാൽ നമ്മൾക്ക് പരിഹരിക്കാൻ കഴിയും എന്ന് തിരിച്ചറിയണം.

നെഗറ്റീവ് ചിന്തകൾ ഉപേക്ഷിച്ചാൽ എന്തെല്ലാം നേടിയെടുക്കാൻ സാധിക്കുമെന്ന് തിരിച്ചറിയുന്നത് നല്ലതായിരിക്കും.

നമ്മൾ ഒരു കാര്യം ചെയ്യാൻ തുടങ്ങുമ്പോൾ ഒരുപക്ഷെ ഒരുപാട് ആളുകൾ അവരുടെ മനസ്സിലുള്ള നെഗറ്റീവ് ചിന്തകൾ നമ്മളോട് പറഞ്ഞെന്ന് വരാം അതൊന്നും നമ്മളുടെ മുന്നോട്ടുള്ള പ്രവർത്തനത്തെ ബാധിക്കാൻ പാടുള്ളതല്ല.

നമ്മൾക്ക് എന്തെങ്കിലും നേട്ടങ്ങൾ ഉണ്ടാവണം എങ്കിൽ നമ്മൾ തന്നെ മുൻകൈ എടുക്കുക തന്നെ വേണം.

ഇന്ന് നമ്മൾക്ക് ഉള്ളതെല്ലാം ഒരുനാൾ നമ്മൾക്ക് നഷ്ടപ്പെടും എന്നുള്ള തിരിച്ചറിവ് നമ്മൾക്ക് എപ്പോഴും ഉണ്ടാവണം.ഈ ലോകത്തിൽ ആർക്കും സ്ഥിരമായി ജീവിക്കാൻ ആവില്ലല്ലോ.കുറച്ചു നാളുകൾ കഴിഞ്ഞാൽ ഓരോ മനുഷ്യനും ഭൂമിയിൽ നിന്നും മണ്മറഞ്ഞു പോകും.നാളിതുവരെ നേടിയതെല്ലാം മരണത്തിലൂടെ ഉപേക്ഷിക്കേണ്ടി വരും ഓരോ മനുഷ്യനും.

അനാവശ്യചിന്തകൾ നമ്മളുടെ ആരോഗ്യത്തെ, മുന്നോട്ടുള്ള പ്രവർത്തനത്തെ കാര്യമായി തന്നെ ഒരുപക്ഷേ ബാധിച്ചേക്കാം.

എപ്പോഴും നല്ല ചിന്തകളുമായി മുന്നോട്ട് ജീവിക്കാൻ ഏവർക്കും സാധിക്കട്ടെ.

അനാവശ്യചിന്തകൾ നിയന്ത്രണം ഇല്ലാതെ നമ്മുടെയൊക്കെ ജീവിതത്തിൽ ഓരോ നിമിഷവും കടന്നുവന്നേക്കാം, അവിടെയെല്ലാം ധിരതയോടെ അനാവശ്യചിന്തകളെ നേരിടാൻ നമ്മൾ ഓരോരുത്തർക്കും കരുത്തു ഉണ്ടാവട്ടെ.

അനാവശ്യചിന്തകൾ അകറ്റു, ജീവിതം ഓരോ നിമിഷവും ആസ്വദിക്കാൻ തയ്യാറാകു.

അനാവശ്യചിന്തകൾ പോലെ, ജീവിതത്തെ നശിപ്പിക്കുന്ന കാര്യങ്ങളിൽ നിന്നും വിട്ടുനിൽക്കു, ജീവിതത്തിൽ പോസിറ്റീവ് ചിന്തകൾ കൊണ്ട് വന്നു ജീവിതത്തെ സുന്ദരമാക്കു.