ഉൾകൊള്ളാൻ ഉൾകാഴ്ചകൾ:The Art of innerspring insight-171

 നമ്മളിൽ പലരുടെയും പ്രശ്നമാണ് തുറന്നു പറയാനുള്ള ബുദ്ധിമുട്ട്.

തുറന്നു സംസാരിച്ചാൽ മാത്രമേ നമ്മളിലെ പ്രശ്നങ്ങൾക്ക് പരിഹാരം കണ്ടെത്താൻ കഴിയുകയുള്ളു.

നമ്മൾ ഇപ്പോൾ നേരിടുന്ന ഓരോ പ്രശ്നങ്ങൾക്കും മുൻപുണ്ടായിരുന്ന നമ്മുടെ ജീവിതഅനുഭവങ്ങളുമായി എന്തെങ്കിലും തരത്തിലുള്ള ബന്ധങ്ങൾ ഉണ്ടാകും.

ആരോടാണ് എന്തിനാണ് തുറന്നു പറയുന്നത് എന്നൊരു ബോധം നമ്മൾക്കുണ്ടാകണം. ഇല്ലെങ്കിൽ പലപ്പോഴും നമ്മുടെ തുറന്നു പറച്ചിൽ ഗുണത്തെക്കാൾ ഏറെ ദോഷകരമായി ബാധിച്ചേക്കാം.

തുറന്നുള്ള സംസാരം നമ്മൾക്ക് കൂടുതൽ ആശ്വാസം നൽകും.

തുറന്നു പറയാനുള്ള ബുദ്ധിമുട്ട് നമ്മൾ കാലക്രമേണ കുറച്ചു കൊണ്ടുവരിക തന്നെ ചെയ്യണം.

 

എല്ലാവർക്കും അവരവരുടെ വിഷമങ്ങളും പ്രശ്‌നങ്ങളും പറയേണ്ടവരോട് തുറന്നു പറയാൻ കഴിയട്ടെ.

തുറന്നു സംസാരിക്കാൻ ശീലിക്കുക. നമ്മൾക്ക് ഇഷ്ടം ഇല്ലാത്ത കാര്യം ആണെങ്കിൽ ഇഷ്ടം ഇല്ല എന്ന് തുറന്നു പറയുക.

മറ്റുള്ളവർ എന്ത് വിചാരിക്കും എന്നോർത്ത് ഇഷ്ടം ഇല്ലാത്ത കാര്യം പറയാതിരുന്നാൽ പിന്നീട് ജീവിതകാലം മുഴുവൻ അതിന്റെ വേദന വേട്ടയാടും. അതെല്ലാം ഒഴിവാക്കാൻ നമ്മളെ സഹായിക്കുന്നത് തുറന്നു പറച്ചിലാണ്.