ഉൾകൊള്ളാൻ ഉൾകാഴ്ചകൾ:The Art of innerspring insight-184

 ഈ ലോകത്തുള്ള ആരും തന്നെ ദുരിതത്തിൽ കഴിയാൻ ആഗ്രഹിക്കുന്നുണ്ടാകില്ല.

പല ദുരിതങ്ങളും നമ്മളുടെ ജീവിതത്തിലേക്ക് കടന്നുവരുന്നതിനു പ്രധാനപ്പെട്ട കാരണം ഒരുപക്ഷെ അവരവരുടെ ഭാഗത്തുനിന്നുള്ള ശ്രദ്ധകുറവുകൊണ്ടായിരിക്കാം, അതല്ലെങ്കിൽ  ഒരുപക്ഷെ മറ്റുള്ളവരുടെ ഭാഗത്തുനിന്നുള്ള വിഴ്ചകൊണ്ടായിരിക്കാം.

അലസതയുള്ളിടത്തു ദുരിതങ്ങളും ഉണ്ടായേക്കാം. അലസത ഒഴിവാക്കി മുന്നേറാൻ സാധിച്ചാലാണ് ദുരിതങ്ങളെ ഒരു പരിധിവരെയെങ്കിലും ഒഴിവാക്കാൻ സാധിക്കുക.

നമ്മൾ നേരിട്ടുകൊണ്ടിരിക്കുന്ന ദുരിതം നമ്മളിൽ നിന്നും അകലാൻ നമ്മുടെ ഭാഗത്തുനിന്നുള്ള പരിശ്രമം ആവശ്യമാണ്.ചിലർക്കൊക്കെ ചില ദുരിതസാഹചര്യങ്ങളെ എങ്കിലും മുൻകൂട്ടി കണ്ടുകൊണ്ട് ഒഴിവാക്കാനുള്ള കഴിവുണ്ടായേക്കാം.

ഓരോ ദുരിതത്തിനു പിന്നിലും എന്തെങ്കിലും കാരണങ്ങൾ ഒളിഞ്ഞിരിപ്പുണ്ടാകും, അത് കണ്ടെത്തി പരിഹരിക്കുകയാണ് ദുരിതത്തെ അതിജീവിക്കാനുള്ള മാർഗം.നാളുകളായി ദുരിതം അനുഭവിക്കുന്ന വ്യക്തികൾക്ക് അവരുടെ ജീവിതത്തിൽ ആവശ്യമായ മാറ്റങ്ങൾ കൊണ്ടുവരാൻ കഴിഞ്ഞാൽ ഒരുപക്ഷെ ദുരിതത്തിൽ നിന്നും രക്ഷനേടാൻ സാധിച്ചേക്കാം.ദുരിതത്തിൽ നിന്നും രക്ഷപ്പെടാനുള്ള വഴി കണ്ടെത്താൻ എളുപ്പമാർഗം തേടുന്നവരാണ് നമ്മളിൽ പലരും.

കഷ്ടപ്പെടാതെ ദുരിതങ്ങൾ നമ്മളിൽ നിന്നും ഒരുപക്ഷെ അകന്നുപോകണം എന്നില്ല.ഓരോ ദുരിതവും നമ്മൾക്ക് ഒത്തിരി തിരിച്ചറിവുകൾ പകർന്നു നൽകുന്നുണ്ട്.നമ്മൾ നേരിട്ടുകൊണ്ടിരിക്കുന്ന ഓരോ ദുരിതങ്ങളോടും പോരാടികൊണ്ട് മുന്നോട്ടു വരാൻ നമ്മൾക്ക് കഴിയണം.

എല്ലാവർക്കും ആത്മാർത്ഥമായ പരിശ്രമത്തിന്റെ ഫലമായി ദുരിതങ്ങളെ അകറ്റികൊണ്ട് മുന്നോട്ടു പുരോഗതി നേടാൻ സാധിക്കട്ടെ.