ഉൾകൊള്ളാൻ ഉൾകാഴ്ചകൾ:The Art of innerspring insight-197

 നമ്മൾ ഏതുകാര്യവും നല്ലതുപോലെ മനസ്സിലാക്കാൻ ശ്രമിക്കേണ്ടതുണ്ട്.

മുൻപോട്ട് നമ്മൾ ഓരോരുത്തരും ചെയ്യുന്ന കാര്യത്തെപ്പറ്റി കഴിയാവുന്നിടത്തോളം വ്യക്തമായി മനസ്സിലാക്കേണ്ടതുണ്ട്.

 

ഇന്ന് നമ്മൾ നേരിടുന്ന പല തരത്തിലുള്ള പ്രശ്നങ്ങളും ശരിയായ വിധത്തിൽ നേരിടാൻ കഴിയാതെ പോകുന്നതിനുപിന്നിൽ ഒരുപക്ഷെ പലപ്പോഴും യഥാർത്ഥ കാരണങ്ങളെ എളുപ്പം കണ്ടെത്താൻ സാധിക്കാത്തതാണ്.

നമ്മൾ ഓരോരുത്തരും നമ്മുടെ ചുറ്റിലുമുള്ള ശരി തെറ്റുകൾ മനസ്സിലാക്കേണ്ടതുണ്ട്.തോൽവികളെ അതിജീവിച്ചുകൊണ്ട് വിജയം നേടിയെടുക്കാൻ തോൽവിയുടെ കാരണം കണ്ടെത്തി പരിഹരിക്കേണ്ടതുണ്ട്.

പല കാര്യങ്ങളും എളുപ്പം മനസ്സിലാക്കാൻ സാധിച്ചെന്ന് വരില്ല, അതിന്റെതായ ബുദ്ധിമുട്ട് നേരിടേണ്ടി വന്നേക്കാം.ഈ ലോകത്തുള്ള എല്ലാ കാര്യവും നമ്മൾക്ക് മനസ്സിലാക്കാൻ കഴിഞ്ഞെന്ന് വരില്ല, നമ്മൾക്ക് ആവശ്യം വേണ്ടുന്ന കാര്യങ്ങൾ മനസ്സിലാക്കാൻ ശ്രമിച്ചുക്കൊണ്ടിരിക്കുക.

നമ്മൾക്ക് ഏതൊരു കാര്യവും വളരെ എളുപ്പം മനസ്സിലാക്കാൻ കഴിയണമെങ്കിൽ ആ കാര്യത്തെ ഇഷ്ടത്തോടെ സമിപിക്കേണ്ടതുണ്ട്.

ഇന്നലെകളിൽ നമ്മൾക്കുണ്ടായ നഷ്ടങ്ങളുടെ, പരാജയങ്ങളുടെ കാരണങ്ങൾ കണ്ടെത്തുക, എത്രയും വേഗം പരിഹാരം കണ്ടെത്തി മുന്നേറുക.

 

ഓരോ കാര്യവും വഴിയേയാണ് മനസ്സിലാക്കാൻ സാധിക്കുക. നമ്മൾക്കുണ്ടാകുന്ന അനുഭവങ്ങളാണ് ഓരോ കാര്യവും മനസ്സിലാക്കാൻ നമ്മളെ പ്രേരിപ്പിക്കുക.

എത്ര ശ്രമിച്ചാലും നമ്മൾക്ക് മനസ്സിലാക്കാൻ സാധിക്കാത്ത പലതും നമ്മളുടെ ജീവിതത്തിൽ ഉണ്ടായേക്കാം.

 

ഈ ലോകത്തുള്ള ഒത്തിരി കാര്യങ്ങൾ നമ്മളുടെ മാനുഷിക ബുദ്ധികൊണ്ട് മനസ്സിലാക്കാൻ കഴിയണം എന്നില്ല.നമ്മളുടെ ചുറ്റിലുമുള്ള കാര്യങ്ങളിൽ നിന്നും പാഠങ്ങൾ ഉൾക്കൊണ്ട്‌ മനസ്സിലാക്കേണ്ടത് വളരെയധികം പ്രധാനപ്പെട്ടതാണ്.

എത്ര കാലം കൂടെ കഴിഞ്ഞാലും എല്ലാവർക്കും എല്ലാവരെയും എല്ലാകാലവും മനസ്സിലാക്കാൻ ഒരുപക്ഷെ സാധിച്ചെന്ന് വരില്ല.ഒരാൾ തെറ്റ് ചെയ്താൽ, അയാളെ ശാസിക്കുന്നതിനുമുൻപ് അയാൾക്ക് എങ്ങനെ തെറ്റ് സംഭവിച്ചു എന്ന് മനസ്സിലാക്കാൻ ശ്രമിക്കേണ്ടതുണ്ട്.

തെറ്റുകളിൽ നിന്നും പാഠങ്ങൾ ഉൾക്കൊണ്ട്‌ മുന്നേറാൻ, ജീവിതത്തിൽ നേട്ടങ്ങൾ നേടാൻ നേരായ കാര്യങ്ങൾ മനസ്സിലാക്കിയെടുക്കാൻ നമ്മൾ ഓരോരുത്തർക്കും സാധിക്കട്ടെ.