ഉൾകൊള്ളാൻ ഉൾകാഴ്ചകൾ:The Art of innerspring insight-41

 നമ്മളിൽ പലർക്കും പലപ്പോഴും പലരിൽ നിന്നും ഒരുപക്ഷെ വഞ്ചിക്കപ്പെട്ട അനുഭവം ഉണ്ടായിട്ടുണ്ടാകും.

ഈ ലോകത്തിൽ ഏറ്റവും അധികം വേദന ഉളവാക്കുന്ന ഒരു കാര്യം എന്നത് വഞ്ചിക്കപ്പെട്ട അവസ്ഥ നേരിടുമ്പോഴാണ്.

വഞ്ചനപരമായ പ്രവർത്തി ആരിൽ നിന്നായാലും അതൊക്കെ ദോഷം മാത്രമേ ചെയ്യുകയുള്ളൂ എന്നത് മറക്കാതിരിക്കുക.

നമ്മൾക്ക് ഉണ്ടാകുന്ന വഞ്ചനകളെ ശരിയായ വിധത്തിൽ നേരിടാൻ മറ്റുള്ളവരുടെ സഹായം തേടാം.വഞ്ചനപരമായ പ്രവർത്തികളെ തടയാൻ നമ്മൾ ഓരോരുത്തരും ശ്രമിക്കേണ്ടതുണ്ട്.മനുഷ്യരുടെ ജീവനും ജീവിതത്തിനും വില നൽകുന്നവർ ആരുംതന്നെ മറ്റു മനുഷ്യരെ ഒരുപക്ഷെ വഞ്ചിക്കാൻ ശ്രമിക്കില്ല.

നമ്മുടെ ചുറ്റിലുമുള്ള ആരെയും എന്തുകാരണത്തിന്റെ പേരിലായാലും വഞ്ചിക്കാൻ ഇടവരാതിരിക്കട്ടെ.വഞ്ചനയിലൂടെ നേടുന്നതൊന്നും അധികകാലം നിലനിൽക്കില്ല.

പലരുടെയും ജീവിതത്തിൽ വഞ്ചന ഏൽപ്പിച്ച മുറിവ് വളരെയേറെ വേദന ഉളവാക്കുന്നതാണ്, ഒത്തിരിയേറെ കഷ്ടപ്പാടിലൂടെയാണ് ആ അനുഭവങ്ങളെയൊക്കെ അതിജീവിച്ചുകൊണ്ട് നമ്മളിൽ പലരും ജീവിതത്തിലേക്ക് തിരികെ വന്നിട്ടുള്ളത്.

വഞ്ചന നൽകുന്ന അനന്തരഫലം ആർക്കും മുൻകൂട്ടി കാണാൻ കഴിഞ്ഞെന്ന് വരില്ല.നമ്മളൊക്കെ ഇന്നിപ്പോൾ സുഖപ്രദമായി ജീവിക്കുന്നതിനുള്ള പ്രധാന കാരണം നമ്മുടെ ചുറ്റിലുമുള്ള ആരും തന്നെ നമ്മളെ വഞ്ചിച്ചില്ല എന്നതുകൊണ്ടാണ്.

നമ്മുടെയൊക്കെ ജീവിതത്തിൽ നിന്നും വഞ്ചന പൂർണ്ണമായി ഒഴിവാക്കാൻ സാധിക്കട്ടെ.