ഉൾകൊള്ളാൻ ഉൾകാഴ്ചകൾ:The Art of innerspring insight-79

 നമ്മളിൽ പലരും പലപ്പോഴും അവരവരോടും മറ്റുള്ളവരോടുമായി ചോദിക്കുന്ന ചോദ്യമാണ് ഇനി എന്തു ചെയ്യാനാണെന്ന്.

ജീവിതത്തിൽ ഒരുപാട് കാലം പിന്നിട്ടുകഴിയുമ്പോളാണ് പലപ്പോഴും പല കാര്യങ്ങളിലും ഇനി എന്തുചെയ്യാനാണ് എന്നൊരു ചോദ്യം പലരുടെയും മനസ്സിലൂടെ കടന്നുപോകുന്നത്.ഒരു വഴി അടഞ്ഞാൽ ഇനി എന്തു ചെയ്യാനാണ് എന്ന ചോദ്യത്തിന് മുൻപിൽ മറ്റുവഴികൾ അന്വേഷിക്കുക എന്നതാണ് പരിഹാരം.

ഒരു മനുഷ്യന് അവരുടെ ജീവിതത്തിൽ നേരിടേണ്ടി വരിക നിരവധി വെല്ലുവിളികളെയായിരിക്കും, പ്രതിസന്ധികളെയായിരിക്കും.ഒരു ജോലി നഷ്ടപ്പെട്ടാൽ ഇനി എന്തുചെയ്യാനാണ് എന്നു ആലോചിച്ചു വിഷമിച്ചിരിക്കാതെ അടുത്ത ജോലി ഉടനെ തന്നെ അന്വേഷിച്ചു കണ്ടെത്തുക.

നമ്മൾ നേരിട്ടുകൊണ്ടിരിക്കുന്ന ദുഃഖമെല്ലാം നമ്മളെ വിട്ടു കടന്നുപോകണം എങ്കിൽ നമ്മളുടെ ഭാഗത്തു നിന്നുള്ള നിരന്തരപരിശ്രമം ആവശ്യമാണ്.

തോൽവികൾ ജീവിതത്തിൽ ഉണ്ടായേക്കാം അന്നേരം ഇനി എന്തുചെയ്യാനാണ് എന്ന് ആലോചിച്ചു വിഷമിക്കാതെ ഇനി മുന്നോട്ട് വിജയം നേടിയെടുക്കാൻ പരിശ്രമിക്കാൻ തയ്യാറാവുക.നാളെകളിൽ നമ്മൾക്ക് എന്തുചെയ്യാനാണ് എന്ന ചോദ്യം വരുന്നതിനുമുൻപ് ചില കാര്യത്തിന് എങ്കിലും മുൻകൂട്ടി വഴികൾ കണ്ടെത്താൻ പരിശ്രമിക്കുന്നത് വളരെ പ്രയോജനപ്പെടും.

ചില സാഹചര്യത്തിൽ ഇനി എന്തുചെയ്യാനാണ്  എന്നൊരു ചോദ്യത്തിന് എളുപ്പം ഉത്തരം കിട്ടിയെന്ന് വരില്ല.ക്ഷമയോടെ അന്വേഷിച്ചുകൊണ്ടിരിക്കുക എന്നെങ്കിലും ഉത്തരം ഒരുപക്ഷെ ലഭിക്കാതിരിക്കില്ല.

ചില സാഹചര്യത്തിൽ നമ്മളെകൊണ്ട് ഒന്നും ചെയ്യാൻ കഴിയാതെ വന്നേക്കാം, അപ്പോഴൊക്കെ അതിനെ ശരിയായ വിധത്തിൽ ഉൾകൊള്ളാൻ പഠിക്കേണ്ടതായിട്ട് വരും.

ഇനി എന്തുചെയ്യാനാണ് എന്ന ചോദ്യം ആദ്യമൊക്കെ ഒരുപക്ഷെ നിരാശകൾ ആയിരിക്കാം സമ്മാനിക്കുന്നത്. സാഹചര്യങ്ങളെ ഉൾക്കൊണ്ട്‌ മുന്നോട്ട് പോയല്ലേ വഴിയുള്ളു.നമ്മൾ എല്ലാവർക്കും പ്രതിസന്ധികളും വിഷമങ്ങളും നേരിടേണ്ടി വരുമ്പോൾ ഇനി എന്തുചെയ്യാനാണ് എന്നു ചിന്തിക്കുന്നതിനു പകരം ഇനി എന്തെല്ലാം ചെയ്യാനുണ്ട് എന്ന് ചിന്തിക്കാൻ സാധിക്കട്ടെ.