സ്നേഹസ്പർശനമായി കൺമുൻപിൽ:A spark of love to open your eyes-261

 261.മടിവിചാരിക്കരുത്.

നമ്മൾ ഓരോരുത്തർക്കും വേണ്ടത്ര പ്രോത്സാഹനം കിട്ടിയിരുന്നെങ്കിൽ നമ്മളിൽ പലർക്കും ഇന്നുള്ള മടി ഒരു പരിധി വരെ ഉണ്ടാകുമായിരുന്നില്ല അല്ലേ?.സാരമില്ല ഇനി മുതൽ പ്രോത്സാഹനം കിട്ടിയില്ലെങ്കിലും മടി മാറ്റി എടുക്കണം എന്ന ചിന്തയോടെ ആന്മാർത്ഥമായി പരിശ്രമിച്ചാൽ മതി.നമ്മൾക്ക് ഇഷ്ടം ഇല്ലാത്ത കാര്യങ്ങൾ ചെയ്യുമ്പോൾ മടി വരിക സ്വഭാവികമാണ്.ഓരോ മനുഷ്യർക്കും അവര വരുടെ ജീവിതസാഹചര്യം അനുസരിച്ചു ഓരോ കാര്യത്തിലും മടി ഉണ്ടാവാം.

നമ്മളുടെ മടി മാറ്റാൻ നമ്മൾ തന്നെ വിചാരിക്കണം, അതിന് മടി മാറ്റിയെടുക്കണം എന്നുള്ള ചിന്ത നമ്മളിൽ ശക്തമായി തന്നെ ഉണ്ടാവണം.

നമ്മുടെ മനസ്സിൽ നല്ല ചിന്തകൾ എപ്പോഴും ഉണ്ടാവണം.നമ്മളെകൊണ്ട് കഴിയും എന്നുള്ള ശുഭാപ്തി വിശ്വാസം എപ്പോഴും നമ്മുടെ കൂടെ തന്നെ ഉണ്ടാവണം.നമ്മൾ പൊരുതേണ്ടത് നമ്മളോട് തന്നെയാണ്.നമ്മൾ ഉണർന്നു പ്രവർത്തിച്ചാൽ മാത്രമേ നമ്മൾക്കുള്ള മടി മാറ്റിയെടുക്കാൻ കഴിയുകയുള്ളു. സ്ഥിരോ ത്സാഹത്തോടെ പ്രവർത്തിക്കാൻ നമ്മൾ ഓരോരുത്തർക്കും അവരവരുടെ ജീവിതത്തിൽ നേടിയെടുക്കേണ്ട ലക്ഷ്യങ്ങളെക്കുറിച്ച് വ്യക്തമായ ബോധ്യം ഉണ്ടാവണം.

അസാധ്യം ആണെന്ന് നമ്മൾക്ക് തന്നെ തോന്നിത്തുടങ്ങിയാൽ പിന്നെ സ്വഭാവികമായി മടിവരും.മടിയെ ഉപേക്ഷിക്കാൻ നമ്മൾ മനപ്പൂർവം തയ്യാറാകണം.ഒരുപക്ഷെ തുടക്കത്തിൽ മടി മാറ്റിയെടുക്കാൻ വലിയൊരു പ്രയാസം തോന്നുന്നുണ്ടാവും നമ്മളിൽ പലർക്കും. എല്ലാവരിലും മടി, നിരന്തരമായ പരിശ്രമത്തിലൂടെ മാത്രമേ ഇല്ലാതെ ആവുള്ളു.

നമ്മൾ മടിവിചാരിച്ചിരുന്നാൽ നമ്മുടെ ജീവിതത്തിൽ ദാരിദ്ര്യം കൂടും, സന്തോഷം കുറയും, സമാധാനം നഷ്ടപ്പെടും, എന്തിനെയും കുറ്റപ്പെടുത്താനുള്ള പ്രേരണ ഉണ്ടാവും.മടി എത്രത്തോളം ഭയാനകം ആണെന്ന് മടിയുടെ ദുഷ്യവശങ്ങൾ ശരിക്കും അനുഭവിച്ചു അറിഞ്ഞവർക്കേ മനസ്സിലാകുള്ളു.മടി മാറ്റി യെടുത്താൽ നമ്മൾ ഓരോരുത്തർക്കും നേടിയെടുക്കാൻ കഴിയുന്ന നേട്ടങ്ങൾക്ക് ഒരു പരിധിയും നിശ്ചയിക്കാൻ ആർക്കും കഴിയില്ല.

നമ്മുടെയൊക്കെ ജീവിതം സുന്ദരമാക്കാൻ മടിയെ നമ്മുടെയൊക്കെ ജീവിതത്തിൽ നിന്നും അകറ്റി നിർത്താൻ എല്ലാവർക്കും സാധിക്കട്ടെ.