ഉണർവിൻ പൊൻകിരണങ്ങൾ:The awakening golden rays-272

പരിഹാസം കേൾക്കേണ്ടി വരുന്നത് വളരെയേറെ വേദനാജനകമായ കാര്യമാണ്.

പണ്ട് പരിഹസിച്ചവർ ഇന്നിപ്പോൾ നമ്മളെ അഭിനന്ദിച്ചേക്കാം, പണ്ട് അഭിനന്ദിച്ചവർ ഇന്നിപ്പോൾ ഒരുപക്ഷെ നമ്മളെ പരിഹസിച്ചേക്കാം, എല്ലാം സാഹചര്യം അനുസരിച്ചാണ് സംഭവിക്കുക.

പരിഹാസം ഏൽപ്പിച്ച മുറിവുകൾ ചിലരിലെങ്കിലും നാളുകളായി ഒരുപക്ഷെ മനസ്സിൽ കിടപ്പുണ്ടാകും.പരിഹസിച്ചവരോട് വൈരാഗ്യം തോന്നി അവരോട് പ്രതികാരം ചെയ്യരുത്.

മറ്റുള്ളവർ നമ്മളെ പരിഹസിക്കാൻ കാരണം ഒരുപക്ഷെ അവരുടെ അല്ലെങ്കിൽ നമ്മുടെ അറിവില്ലായ്മകൊണ്ട് ആയിരിക്കാം.

തങ്ങളെ പരിഹസിച്ചവർക്കുള്ള മറുപടി ചിലരൊക്കെ അവരവരുടെ ജീവിതത്തിൽ ഉണ്ടാക്കിയ നേട്ടങ്ങളിലൂടെ ഒരുപക്ഷെ മറ്റുള്ളവരെ കാണിച്ചു കൊടുത്തിട്ടുണ്ടാകും.

മറ്റുള്ളവരുടെ മുന്നിൽ പരിഹാസകഥാപാത്രമായി തങ്ങളുടെ വേണ്ടപ്പെട്ടവർ മാറുന്നത് നമ്മളിൽ ആർക്കാണ് ഒരുപക്ഷെ ഇഷ്ടപ്പെടുന്നത്.

മറ്റുള്ളവരിൽ നിന്നും കേൾക്കേണ്ടി വരുന്ന പരിഹാസങ്ങൾ പോസിറ്റീവ് ആയിട്ട് മാത്രം എടുക്കുക, ഇല്ലായെന്നുണ്ടെങ്കിൽ ഒരുപക്ഷെ നമ്മുടെ മുന്നോട്ടുള്ള ജീവിതത്തെ ദോഷകരമായി ബാധിച്ചേക്കാം.

മറ്റുള്ളവരിൽ നിന്നുള്ള കൂടെ കൂടെയുള്ള പരിഹാസം നമ്മളെ ഒരുപക്ഷെ അലസോരപ്പെടുത്തിയേക്കാം.

പരിഹസിക്കുന്നവരെ അവരുടെ വഴിക്കു വിട്ടേക്കുക. എല്ലാ പരിഹാസത്തിനും ഒരുപോലെ പരിഗണന കൊടുക്കാതിരിക്കുക.

ഓരോ പരിഹാസവും നമ്മളെ മുന്നോട്ട് കരുത്തോടെ സഞ്ചരിക്കാൻ കൂടുതൽ പ്രേരണ നൽകട്ടെ.

ആരോടായാലും അതിരുവിട്ട പരിഹാസം ഒരിക്കലും നല്ലതല്ലല്ലോ.പരിഹാസത്തെ നിയന്ത്രിക്കാൻ പരിശ്രമിക്കുക.

പലരും പരിഹസിച്ചിട്ടും അതൊന്നും വകവെക്കാതെ മുന്നോട്ട്പോയതുകൊണ്ടാണ് ഇന്നിപ്പോൾ പലർക്കും നേട്ടങ്ങൾ സ്വന്തമാക്കാൻ കഴിഞ്ഞിട്ടുള്ളത്.

മറ്റുള്ളവർ പരിഹസിച്ചു അതുകൊണ്ട് പിന്മാറിയേക്കാം എന്ന് കരുതിയാൽ പിന്നെ ഏതുകാര്യത്തിൽ നിന്നായാലും ഒരുപക്ഷെ പിന്മാറാനായിരിക്കും നമ്മളിൽ പലർക്കും നേരം കാണുള്ളൂ.

പരിഹാസം കേട്ടപ്പോൾ തന്നെ പരിശ്രമത്തിൽ നിന്നും പിന്തിരിഞ്ഞിരുന്നുവെങ്കിൽ പലരും പിന്നീട് ഒരുപക്ഷെ നിരാശയിൽ കഴിയേണ്ടി വന്നേനെ.

മറ്റുള്ളവരിൽ നിന്നുള്ള പരിഹാസം നമ്മളെ തെറ്റായ കാര്യങ്ങൾ ചെയ്യാൻ ഒരിക്കലും പ്രേരിപ്പിക്കരുത്.

പരിഹാസത്തെ ധിരതയോടെ, സംയമനം പാലിച്ചുകൊണ്ട് നേരിടാൻ നമ്മൾ ഏവർക്കും സാധിക്കട്ടെ.