ഉണർവിൻ പൊൻകിരണങ്ങൾ:The awakening golden rays-320

നമ്മൾ ചെയ്യുന്ന ഓരോ കാര്യത്തെക്കുറിച്ചും വ്യക്തമായ ധാരണ ഉണ്ടാവേണ്ടതുണ്ട്.

വ്യക്തമായ ധാരണ ഇല്ലാതെ പ്രവർത്തിച്ചാൽ പാകപിഴകൾ ഉണ്ടായേക്കാം.

വ്യക്തമായ ധാരണയോടെ മുന്നോട്ടു പോകാൻ സാധിച്ചാൽ വളരെയേറെ കാര്യങ്ങൾ നമ്മൾക്ക് ഒരുപക്ഷെ നല്ല രീതിയിൽ ചെയ്യാൻ സാധിച്ചേക്കും.

എന്തുകാര്യത്തിലും ഇറങ്ങിതിരിക്കുന്നതിനു മുൻപായി വ്യക്തമായ ധാരണ നേടിയെടുക്കാൻ ശ്രമിക്കുക.

വ്യക്തമായ ധാരണ ഇല്ലാതെ പ്രവർത്തിച്ചാൽ പരാജയപ്പെടാനുള്ള സാധ്യത വളരെ കൂടുതലാണ്.

ഒരു വാഹനം വാങ്ങിക്കുമ്പോൾ അതിനു എന്തെല്ലാം ചിലവുകൾ വരാം എന്നെല്ലാം കണക്കു കൂട്ടി അതിനുള്ള സാമ്പത്തികം നമ്മളിൽ ഉണ്ടെന്ന് ഉറപ്പു വരുത്തി മാത്രം വാഹനം വാങ്ങിയില്ലെങ്കിൽ പിന്നീട് ഉണ്ടാകുന്ന ചിലവുകൾ താങ്ങാൻ കഴിയാതെ വാഹനം ഉപേക്ഷിക്കേണ്ടി വന്നേക്കാം.

എല്ലാ കാര്യത്തിലും വ്യക്തമായ ധാരണ കിട്ടിക്കൊള്ളണം എന്നില്ല, ഏകദേശ ധാരണ മാത്രമാണ് ചില കാര്യങ്ങളിൽ പറയാൻ കഴിയുകയുള്ളു.

വ്യക്തമായ ധാരണ വഴി നമ്മൾ ഓരോരുത്തർക്കും മുന്നോട്ടുള്ള ഓരോ കാര്യങ്ങളിലും പുരോഗതി നേടാൻ സാധിക്കട്ടെ.