ഉണർവിൻ പൊൻകിരണങ്ങൾ:The awakening golden rays-339

നമ്മൾ ഇതിനോടകം ഒരുപാട് വഴികളിലൂടെ സഞ്ചരിച്ചു കടന്നുവന്നവരാണ്. ജീവിതത്തിൽ ഒരുപാട് ചുമതലകൾ നിർവഹിച്ചവരാണ്, ഇനി മുന്നോട്ട് പുതിയ ചുമതലകൾ നിർവഹിക്കേണ്ടവരാണ് നമ്മൾ ഓരോരുത്തരും . ഓരോ ദിവസവും നമ്മൾ നടക്കുന്ന വഴികൾ വളരെ വ്യത്യാസം ആയിതിർന്നേക്കാം. നമ്മൾ മുൻകൂട്ടി തയ്യാറാക്കിയതുപോലെ എപ്പോഴും മുൻപോട്ട് പോകാൻ സാധിച്ചെന്ന് വരില്ലല്ലോ.

മുന്നോട്ടുള്ള നേരായ വഴികൾ നമ്മൾ കണ്ടെത്താൻ ശ്രമിക്കണം. തെറ്റായ വഴികൾ ആർക്കും പറഞ്ഞു കൊടുക്കരുത്.

ജീവിതത്തിൽ വിഷമ അവസ്ഥകളിലൂടെ കടന്നു പോകാത്ത മനുഷ്യരില്ല. എത്രയേറെ സമ്പത്തു ഉണ്ടെന്ന് പറഞ്ഞാലും വിഷമം ഏതൊരു മനുഷ്യന്റെയും ജീവിതത്തിൽ കടന്നു വന്നേക്കാം.

നമ്മളിൽ പലരും ചിന്തിക്കുന്നത് വിഷമം അവനവനു മാത്രം ഏറ്റവും കൂടുതലായി ഉള്ളു എന്നാണ്, ലോകത്ത് ഏതൊരു മനുഷ്യനും കാണും അവരവരുടേതായ സങ്കടങ്ങൾ.

വിഷമത്തെ അതിജീവിക്കുവാൻ നമ്മൾ ഓരോരുത്തരും സ്വയം ശ്രമിക്കണം. എല്ലാവർക്കും ഒരുപക്ഷെ ഒറ്റക്ക് വിഷമത്തെ അതിജീവിക്കുവാൻ എപ്പോഴും സാധിച്ചെന്ന് വരില്ല. നമ്മളെ കൊണ്ടു ആകുന്നതുപോലെ പരിശ്രമിക്കുക. ഇന്ന് ഈ നിമിഷം മാത്രമാണ് നമ്മുടെ പക്കലുള്ളു എന്നത് മറക്കാതെയിരിക്കുക.

ഉള്ളതിൽ സംതൃപ്തിപെട്ടുകൊണ്ട് കൂടുതൽ ഉയരങ്ങളിൽ എത്തിപ്പെടാൻ ശ്രമിച്ചുകൊണ്ടിരിക്കുക, വിഴ്ചകൾ ഉണ്ടാകാം, പരാജയങ്ങൾ ഉണ്ടാകാം, കുറവുകൾ ഉണ്ടാകാം, നമ്മൾ ശ്രമിക്കാതിരുന്നാൽ നമ്മൾക്ക് മാത്രമാണ് അതിന്റെതായ നഷ്ടം സംഭവിക്കുക.ഓർക്കുക നമ്മുടെ ഓരോരുത്തരുടെയും സമയം വളരെ വിലപ്പെട്ടതാണ്. നല്ല ചിന്തകൾ മനസ്സിൽ കൊണ്ടുവരാൻ ശ്രമിക്കുക.

മറ്റുള്ളവർക്കുള്ള സൗഭാഗ്യങ്ങൾ നമ്മൾക്ക് ലഭിച്ചെന്ന് വരില്ല, മറ്റുള്ളവരെപോലെ കഴിവുകൾ നമ്മൾക്ക് ഉണ്ടായെന്നു വരില്ല, പക്ഷെ എങ്കിൽ മറ്റുള്ളവരിൽ നിന്നും വ്യത്യാസമായി ഒരുപാട് കഴിവുകൾ നമ്മളിൽ ഉണ്ടാവാം, അതുകണ്ടെത്താൻ നമ്മൾ തന്നെ പരിശ്രമിക്കണം.

എനിക്ക് കഴിവില്ല, എനിക്ക് ഒന്നും ചെയ്യാൻ കഴിയില്ല എന്നുള്ള നിരാശചിന്തകൾ നമ്മളെ നിയന്ത്രിക്കാൻ ഒരിക്കലും ഇടവരാതെ ഇരിക്കട്ടെ.

ജീവിതത്തിൽ ഉണ്ടായിട്ടുള്ള വിഷമഅവസ്ഥകളെ അതിജീവിക്കുവാൻ എല്ലാവർക്കും സാധിക്കട്ടെ.

എല്ലാവർക്കും നല്ലൊരു നാളെ ലഭിക്കട്ടെ, ഇപ്പോഴുള്ള വിഷമഅവസ്ഥകളെ അതിജീവിക്കുവാനുള്ള നേരായ വഴികൾ കണ്ടെത്താൻ എല്ലാവർക്കും സാധിക്കട്ടെ.