മനം നിറക്കാൻ മധുമന്ത്രങ്ങൾ:mantras to fill the mind-20

എന്തിനാണ് നമ്മൾ അസ്വസ്ഥത പ്പെടുന്നത് എന്ന് ചിന്തിച്ചിട്ടുണ്ടോ?വളരെ തിരക്കാണ് അതുകൊണ്ടു തന്നെ എന്ത് ചെയ്യണം എന്ന് അറിയില്ല.ചുരുങ്ങിയ സമയവും കൂടുതൽ കാര്യങ്ങൾ ചെയ്യണ്ടി വരുമ്പോളാണ് പലപ്പോഴും അസ്വസ്ഥതപ്പെടുക അല്ലെങ്കിൽ എന്തെങ്കിലും കുറവ് അനുഭവപ്പെടുമ്പോൾ.

നമ്മളുടെ കുറവുകൾ നികത്താൻ എന്ന് നമ്മൾ ശ്രമിക്കുന്നുവോ അന്ന് മാത്രമാണ് നമ്മളുടെ അസ്വസ്ഥത നമ്മളിൽ നിന്നും വിട്ടു പോകുകയുള്ളു.

ഓരോ ദിവസവും ചെല്ലുംതോറും നമ്മൾ നമ്മളുടെ കുറവുകൾ തിരിച്ചറിയാൻ തുടങ്ങും അപ്പോൾ മുതൽ ഒരുപക്ഷെ അസ്വസ്ഥതപ്പെടാനും തുടങ്ങും.

എന്താണ് അസ്വസ്ഥത മാറാനുള്ള പോം വഴി എന്ന് ചോദിച്ചാൽ അസ്വസ്ഥതയെ ധിരമായി നേരിടുക എന്നതാണ്.നമ്മൾ പല വെല്ലുവിളികളെയും അതിജീവിച്ചവരാണ്.ചുറ്റിലും നോക്കിയാൽ അസ്വസ്ഥത എപ്പോഴെങ്കിലും അനുഭവിക്കാത്ത മനുഷ്യരെ കാണുവാൻ സാധിക്കുമോ.?അൽപ്പം ചുടു കൂടിയാൽ , അൽപ്പം തണുപ്പ് കൂടിയാൽ നമ്മളിൽ പലർക്കും പലതരത്തിലുള്ള അസ്വസ്ഥതയും ഒരുപക്ഷെ തോന്നുവാൻ തുടങ്ങും.

നാളെ നമ്മൾ ഒത്തിരി കാര്യങ്ങൾ നേരിടാൻ ഇപ്പോഴേ തയ്യാറാവണം എങ്കിൽ മാത്രമേ കൂടുതൽ ഉയരങ്ങളിൽ എത്തുവാൻ സാധിക്കുകയുള്ളു.

കൂടുതൽ ഉയരങ്ങൾ കിഴടക്കുമ്പോൾ അസ്വസ്ഥത കൂടെ ഒരുപക്ഷെ ഉണ്ടാകും അതിനെ ആസൂത്രണത്തിലൂടെ നേരിടുവാൻ ഇപ്പോഴേ പഠിക്കുക. 

നമ്മൾ വിചാരിച്ചാൽ നമ്മുടെ മനസ്സിനെ ഒരുപരിധിവരെ സ്വസ്ഥതപ്പെടുത്താൻ കഴിയും.ഒരിക്കലും സാമ്പത്തിക നേട്ടങ്ങൾ മാത്രമാകരുത് നമ്മുടെ ലക്‌ഷ്യം.

നമ്മളുടെ ശ്രമങ്ങൾ പലപ്പോഴും പരാജയപ്പെട്ടേക്കാം എങ്കിൽ പോലും അതൊക്കെ ഒരു പാഠമാക്കി മുന്നോട്ടു കുതിക്കാനുള്ള ഊർജ്ജമായി കാണുക മനസ്സിനെ അസ്വസ്ഥതപ്പെടുത്താതെ, പ്രത്യശയോടെ നേട്ടങ്ങൾ കിട്ടുമെന്ന് വിചാരിക്കുക, കൂടുതലായി അധ്വാനിക്കുക ഒരു നാൾ വിജയം നമുക്ക് സ്വന്തമാകും.

നമ്മൾ നേട്ടത്തിന് വേണ്ടി പരിശ്രമിച്ചില്ലെങ്കിൽ പിന്നീട് നമ്മൾ അസ്വസ്ഥതയോടെ കഴിയേണ്ടി വരും  അതുകൊണ്ടു ഇപ്പോഴേ പരിശ്രമിക്കുക ജീവിത അവസാനം വരെ പരിശ്രമങ്ങൾ ഉപേക്ഷിക്കരുത്,നമ്മൾ ഓരോ തവണ പരിശ്രമിക്കുമ്പോഴും അതിന്റെ മാറ്റങ്ങൾ നമ്മളിൽ സംഭവിക്കുന്നത് നമുക്ക് തിരിച്ചറിയാൻ സാധിക്കും. പതിയെ പതിയെ നമ്മുടെ മനസ്സുകൾ അസ്വസ്ഥതകളിൽ നിന്നും വിട്ടുമാറുന്നതു അറിയുവാൻ സാധിക്കും.

ഒരിക്കലും മടിവിചാരിക്കരുത്.വെറുതെ ഇരിക്കുന്ന മനസ്സിലാണ് അസ്വസ്ഥത ഉണ്ടാകുകയുള്ളൂ.

ചെറിയ അസ്വസ്ഥതകൾ ജീവിതത്തിൽ വന്നാലും അതിനെ ഉൾകൊള്ളാൻ പഠിക്കുക സ്വസ്ഥമായ ജീവിതം നമ്മുക്ക് നേടാൻ ചെറിയ അസ്വസ്ഥതകൾ കാരണമാകട്ടെ.എല്ലാവർക്കും വിജയങ്ങൾ നേടാൻ കഴിയട്ടെ.