സ്നേഹസ്പർശനമായി കൺമുൻപിൽ:A spark of love to open your eyes-310

 310.വിഷമം വിചാരിക്കരുത്.

പലരുടെയും ജീവിതം പരിശോധിച്ചാൽ ഒത്തിരി വിഷമങ്ങൾ കാണാൻ കഴിയും.നമ്മൾക്ക് നാളെകളിൽ വിഷമം വരാതിരിക്കണം എങ്കിൽ ഇന്ന് ഈ നിമിഷം തൊട്ട് നമ്മളുടെ കടമകൾ ഭംഗിയായി നിർവഹിക്കേണ്ടതുണ്ട്.ഇന്നലെകളെ കുറിച്ചു ഓർക്കുമ്പോൾ നമ്മൾക്ക് വിഷമം ഉളവാക്കുന്ന ഒത്തിരി കാര്യങ്ങൾ ഉണ്ടായി രുന്നിരിക്കാം നമ്മുടെ ഓരോരുത്തരുടെയും ജീവിതത്തിൽ.

കഴിഞ്ഞത് കഴിഞ്ഞു ഇനിയിപ്പോൾ പഴയതിനെ ഓർത്തു വിഷമിച്ചു ഇരിക്കുന്നതിൽ അർത്ഥം ഇല്ല, ഇനി മുന്നോട്ട് എങ്ങനെ ജീവിതം സന്തോഷപ്രദം ആക്കാം എന്നാണ് ചിന്തിക്കേണ്ടത്, പ്രവർത്തിക്കേണ്ടത്.നമ്മിൽ പലരും വിഷമങ്ങൾ ഉള്ളിലൊതുക്കി ജീവിക്കുന്നവരാണ്.

ഇന്ന് പലരുടെയും വിഷമം അവരുടെ വിഷമങ്ങൾ കേൾക്കാൻ ഈ ലോകത്തു ആരും ഇല്ല എന്നൊരു തോന്നലാണ്.

ഈ ലോകത്ത് ഒന്നും ശ്വാശ്വതം അല്ല. നശ്വരമായ സുഖവും ദുഃഖവും കലർന്നൊരു ജീവിതം ഏതൊരു കാര്യത്തിലും പോസിറ്റീവ് വശം കാണാൻ പഠിച്ചാൽ തന്നെ നമ്മളിൽ ഉണ്ടാകുന്ന, ഉണ്ടായേക്കാവുന്ന വിഷമങ്ങൾക്ക് കുറവുണ്ടാകും.

അപ്പോൾ ആരും ഒരിക്കലും ആവശ്യം ഇല്ലാതെ വിഷമം വിചാരിക്കരുത്.