മനം നിറക്കാൻ മധുമന്ത്രങ്ങൾ:mantras to fill the mind-260

എപ്പോഴെങ്കിലും നമ്മൾ ആരോടെങ്കിലും മാപ്പ് ചോദിക്കാറുണ്ടോ?.

നമ്മൾ തമാശ പറഞ്ഞാൽ കേൾക്കുന്നവർക്കും അത് അങ്ങനെ തന്നെ ആവണമെന്നില്ല,ഒരിക്കലും മറ്റുളളവരെ വേദനിപ്പിക്കുന്നതരത്തിൽ നമ്മൾ  ആരും തന്നെ മോശം വാക്കുകൾ ഉപയോഗിക്കരുത്.

നാളെ നമ്മളുടെ ജീവിതത്തിൽ എന്തെല്ലാം സംഭവിക്കും എന്ന് പറയുവാൻ കഴിയില്ല,കൂടെയുള്ളവരെ കരുതാൻ,സ്നേഹിക്കാൻ,അവരുടെ പോരായ്മകൾ കണ്ടു പ്രവർത്തിക്കാൻ നമ്മൾക്ക് കഴിയണം.

നമ്മൾക്ക് സഹായിക്കാൻ പറ്റുന്ന കാലത്തോളം മറ്റുള്ളവരെ സഹായിക്കുക.

മറ്റുള്ളവർ നമ്മളോട് പറഞ്ഞത്,പ്രവർത്തിച്ചതോർത്തു കണ്ണീർ പൊഴിക്കാതെ ആ വ്യക്തിക്ക് മാപ്പു നൽകുകയാണെങ്കിൽ ഒരുപക്ഷെ നമ്മൾക്ക് മുന്നോട്ട് കൂടുതൽ വേഗത്തിൽ നടക്കാൻ കഴിഞ്ഞേക്കും.

നമ്മളെ നോവിച്ചവർക്കും,നമ്മളോട് മോശമായി പറഞ്ഞവർക്കും നാളെ ഒരു പക്ഷെ നമ്മളുടെ പക്കൽ നിന്നും സഹായം ആവശ്യം വന്നേക്കാം അന്നേരം നമ്മൾ ആ വ്യക്തികളെ സഹായിക്കണമെങ്കിൽ നമ്മൾ ആ വ്യക്തികൾക്ക് മാപ്പു നൽകേണ്ടതുണ്ട്.

എല്ലാവർക്കും ആവശ്യം പോലെ മാപ്പ് ചോദിക്കാനും, മാപ്പ് സ്വീകരിക്കാനും സാധിക്കട്ടെ.

.