മനം നിറക്കാൻ മധുമന്ത്രങ്ങൾ:mantras to fill the mind-91

മറ്റുള്ളവരെ കളിയാക്കാറുണ്ടോ എപ്പോഴെങ്കിലും?.നമ്മൾക്ക് എന്തെങ്കിലും നേട്ടം മറ്റുള്ളവരെ കളിയാക്കിയതുകൊണ്ട് ഇതുവരെയായി നേടാൻ സാധിച്ചിട്ടുണ്ടോ?

കളിയാക്കുന്നതുമൂലം വേദന അനുഭവിക്കുന്ന ഒത്തിരി അധികം ആളുകൾ നമ്മൾക്ക് ചുറ്റിലുമുണ്ട്.

നമ്മളെക്കുറിച്ചു ഇല്ലാത്ത കാര്യങ്ങൾ പറഞ്ഞുകൊണ്ടാണ് മറ്റുള്ളവർ കളിയാക്കുന്നതെങ്കിൽ നമ്മൾക്ക് കൂടുതലായി ഒരുപക്ഷെ വേദനിച്ചേക്കാം.

എല്ലാവർക്കും എല്ലാ കാര്യങ്ങളും ഒരു പോലെ ഉൾക്കൊള്ളാനുള്ള കഴിവ് ഉണ്ടാവണം എന്നില്ലല്ലോ.നമ്മളെ കളിയാക്കുന്നവരോട് തിരിച്ചൊന്നും പറയാതെ ഉള്ളിന്റെ ഉള്ളിൽ നമ്മളെ തന്നെ ആന്മപ്രശംസ ചെയ്യുക.അവർ പറയുന്നതിൽ എന്തെങ്കിലും സത്യം ഉണ്ടെങ്കിൽ നമ്മൾ സ്വയം തിരുത്താൻ ശ്രമിക്കുക.

നമ്മുടെ കളിയാക്കലുകളിലൂടെ ഒരിക്കലും ആരുടെയും മനസ്സ് നോവിക്കരുത് ,മറ്റുള്ളവർക്ക് നമ്മളുടെ കളിയാക്കൽ വേദന ആയി തോന്നിയാൽ ഉടനെത്തന്നെ ക്ഷമ ചോദിക്കുക.കളിയാക്കിയാൽ  എങ്കിലും നാണം ഉണ്ടാവട്ടെ എന്ന് കരുതിയിട്ടാകും ഒരു പക്ഷെ  മറ്റുള്ളവർ നമ്മളെ കളിയാക്കുക.കളിയാക്കലുകൾ പരിധി വിട്ടു പോകാതിരിക്കാൻ ശ്രമിക്കുക.

കളിയാക്കുന്നവർ എന്നും കളിയാക്കി കൊണ്ടിരിക്കുകയല്ലാതെ ഒന്നും സ്വന്തമായി ചെയ്തുകാണിക്കാൻ കഴിവില്ലാത്തവരായിരിക്കും ഒരു പക്ഷെ.

മറ്റുള്ളവർ നമ്മളെ കളിയാക്കിയാൽ, നമ്മൾ ചെയ്യുന്ന കാര്യങ്ങളിൽ നിന്നും പിന്തിരിയുമെന്ന്  മറ്റുള്ളവർക്ക് തോന്നുന്നതാകാം അവരെ ഒരുപക്ഷെ നമ്മളെ കളിയാക്കാൻ പ്രേരിപ്പിക്കുന്നത്.

നമ്മുടെയൊക്കെ ലക്ഷ്യം വലുതെങ്കിൽ ആരൊക്കെ, എങ്ങനെയൊക്കെ കളിയാക്കിയാലും നമ്മൾ തളരില്ല.

കളിയാക്കുന്നവർക്കൊക്കെ മറുപടി കൊടുക്കേണ്ട സമയത്തു കൊടുക്കേണ്ടതുപോലെ കൊടുത്താൽ പിന്നെ കളിയാക്കാൻ ആരും തന്നെ ഒരുപക്ഷെ സമയം മെനക്കെടുത്തില്ല.
നമ്മൾ ഓരോരുത്തർക്കും

ആരെയും കളിയാക്കാതിരിക്കാൻ കഴിയട്ടെ.