motivation-25

നിരാശചിന്തകളെ ഒഴിവാക്കാൻ പഠിക്കണം. ഏതൊരാൾക്കും അവരവരുടെ ജീവിതത്തിൽ ഉണ്ടായിട്ടുള്ള നഷ്ടങ്ങളെക്കുറിച്ച് ആലോചിക്കുമ്പോൾ നിരാശകൾ കടന്നുവന്നേക്കാം.

നിരാശകൾ പെട്ടെന്ന് തന്നെ നമ്മൾക്ക് ഒഴിവാക്കാൻ സാധിച്ചെന്നു വരില്ല. നമ്മൾ കൂടുതൽ പോസിറ്റീവ് ചിന്തകളുമായി മുന്നോട്ടു പോയാൽ മാത്രമാണ് നിരാശകളെ ഒരു പരിധിവരെയെങ്കിലും ഒഴിവാക്കാൻ സാധിക്കുകയുള്ളു.

ഓരോ നിരാശകളും നമ്മൾക്ക് വലിയൊരു തിരിച്ചറിവാണ് നൽകുന്നത്. ഭാവിയിൽ നിരാശപ്പെടാതിരിക്കാനുള്ള മുൻകരുതൽ അതിലുടെ സ്വീകരിക്കാൻ ഒരുപക്ഷെ കഴിഞ്ഞേക്കാം.

നിരാശകൾ കൂടെ കൂടെ കടന്നുവന്നു നമ്മുടെയൊക്കെ ദൈനംദിന ജീവിതത്തിലെ പ്രവർത്തനങ്ങളെ സാരമായി ബാധിക്കുന്നുണ്ടെങ്കിൽ നിയന്ത്രണം കൊണ്ടുവരാൻ, പരിഹാരം കണ്ടെത്താൻ മാനസിക ആരോഗ്യ വിദഗ്ധരുടെ നിർദേശം സ്വീകരിക്കേണ്ടതാണ്.

നമ്മളുടെ വിഷമങ്ങളും അതിലുടെ ഉണ്ടാകുന്ന അസ്വസ്ഥതകളും മറ്റാരേക്കാളും നമ്മൾക്ക് തന്നെയാണ് ബോധ്യം ആയിട്ടുണ്ടാവുക.

നിരാശചിന്തയിൽ ആയിരുന്നാൽ നമ്മൾക്ക് വിജയത്തിലേക്ക് എത്തിച്ചേരാൻ പരിശ്രമിക്കാൻ സാധിച്ചെന്നുവരില്ല.

നിരാശകളെ ശക്തമായി പ്രതിരോധിക്കാൻ കഴിയേണ്ടതുണ്ട്. നമ്മളെകൊണ്ട് നിരാശകളെ അതിജീവിക്കാൻ സാധിക്കുമെന്ന് ഉറച്ചു വിശ്വസിക്കുക.

വിജയത്തിനുവേണ്ടി മുന്നോട്ടു നിരന്തരം പരിശ്രമിച്ചുകൊണ്ടിരിക്കുക, പതിയെ പതിയെ നിരാശകൾ നമ്മളിൽ നിന്നും അകലും.

ഇന്നലെകളിലെ നഷ്ടങ്ങൾ,തോൽവികൾ ദുരിതങ്ങളെല്ലാം നമ്മളിലേക്ക് നിരാശചിന്തകൾ നൽകിയെന്നു വരാം അതിൽ നിന്നെല്ലാം പുറത്തു കടന്നാൽ മാത്രമേ നമ്മൾക്ക് വിജയം നേടാൻ സാധിക്കുകയുള്ളു.

നിരാശപ്പെട്ടിരുന്നാൽ ഒരിക്കലും നേട്ടങ്ങൾ സ്വന്തമാക്കാൻ കഴിയില്ല എന്നുമാത്രമല്ല നമ്മളുടെ വിലപ്പെട്ട സമയം നഷ്ടപ്പെടുത്തുന്നതിനോടൊപ്പം നമ്മുടെ ശാരീരിക മാനസിക ആരോഗ്യത്തെയൊക്കെ നഷ്ടപ്പെടുത്തിയേക്കാം.

എല്ലാവർക്കും അവരവരുടെ ജീവിതത്തിൽ ഉണ്ടായിട്ടുള്ള നിരാശചിന്തകളിൽ നിന്നും ശരിയായ മാർഗത്തിലൂടെ മോചനം നേടാൻ സാധിക്കട്ടെ.