motivation-27

ഓരോ മനുഷ്യരും അവരുടെ സന്തോഷങ്ങൾ വളരെയേറെ പ്രകടിപ്പിക്കുക ആഘോഷനിമിഷങ്ങളിലാണ്.

ഓരോ ആഘോഷവും നമ്മളിൽ പലരും മതിമറന്നു ആഘോഷിക്കാറുണ്ട്. നമ്മുടെ ഓരോ ആഘോഷവും വിലയുള്ളതാവണം.

നമ്മുടെയും നമ്മുടെ ചുറ്റിലുമുള്ള പലരുടെയും ജീവിതത്തിൽ ഒരുപക്ഷെ ഇന്നിപ്പോൾ പല വിധ കാരണങ്ങളാൽ ആഘോഷങ്ങൾ ഉണ്ടായെന്നുവരില്ല. എല്ലാവർക്കും ഒരുപോലെ എല്ലായ്പോഴും ആഘോഷങ്ങൾ കൊണ്ടാടാൻ കഴിയണമെന്നില്ല.

ഓരോ ആഘോഷവും നമ്മളുടെ മനസ്സിലേക്ക് നിറമുള്ള ഓർമ്മകൾ സമ്മാനിക്കട്ടെ.

ഓരോ ആഘോഷവും നമ്മൾ ആഘോഷിക്കുമ്പോൾ നമ്മുടെ ചുറ്റിലുമുള്ള മനുഷ്യരെയും വേണ്ടതുപോലെ പരിഗണിക്കാൻ മറക്കരുത്.

ആഘോഷങ്ങൾ കടന്നുപോകും, നമ്മളിൽ പലർക്കും ഇന്നിപ്പോൾ ആഘോഷത്തിൽ പങ്കെടുക്കാൻ സാധിച്ചെന്നുവരില്ല, എങ്കിൽ പോലും അതിലൊന്നും വിഷമിച്ചിരിക്കാതെ മുൻപോട്ട് നമ്മുടെ ലക്ഷ്യങ്ങളുമായി പോകുവാൻ സാധിക്കട്ടെ.

നമ്മുടെ ആഘോഷങ്ങൾ ഒന്നും തന്നെ മറ്റുള്ളവരെ കാണിക്കാൻ വേണ്ടിയുള്ളതാവരുത്.

വരവ് അറിഞ്ഞുമാത്രം ആഘോഷങ്ങൾക്കായി ചിലവഴിക്കുക, ഇല്ലെങ്കിൽ നാളെകളിൽ ആഘോഷത്തിന്റെ പേരിൽ നഷ്ടങ്ങളും ദുഃഖങ്ങളും ഒരുപക്ഷെ ഉണ്ടായെന്നു വരാം.

ഏതൊരു ആഘോഷം ആയാലും ഭക്ഷണം പാഴാക്കാതിരിക്കാൻ ശ്രദ്ധിക്കുക. നമ്മളുടെ ചുറ്റിലും നിരവധി ആളുകളുണ്ട് നല്ല ഭക്ഷണം ഒരുനേരം പോലും കഴിക്കാൻ സാധിക്കാത്തവർ. ഭക്ഷണം വിലപ്പെട്ടതാണ്, അതു പാഴാക്കാതിരിക്കുക.

ഇന്നത്തെ കുറവുകൾ നികത്തികൊണ്ട് നല്ല നാളെകൾ ആഘോഷിക്കാൻ നമ്മൾ എല്ലാവർക്കും കഴിയട്ടെ.

മറ്റുള്ളവർ ആഘോഷിച്ചതുപോലെ നമ്മൾക്ക് ആഘോഷിക്കാൻ സാധിച്ചെന്നു വരില്ല, നമ്മുടെ സാഹചര്യം മനസ്സിലാക്കി ഉള്ളതുപോലെ ആഘോഷിക്കാൻ ശ്രമിക്കുക.

ഓരോ കാലഘട്ടത്തിലും ആഘോഷങ്ങൾ മാറി മാറി വരും. പണ്ടുണ്ടായിരുന്നതിനേക്കാൾ പല കാര്യത്തിലും ഇപ്പോൾ ഒത്തിരി മാറ്റങ്ങൾ വന്നുകൊണ്ടിരിക്കുന്നു, ഇനിയുള്ള നാളുകളിൽ മാറ്റങ്ങൾക്ക് വിധേയമാണ്.

ഓരോ ആഘോഷവും മനസ്സ് തുറന്നു ആഘോഷിക്കാൻ, ഉള്ളതുകൊണ്ട് ആഘോഷിക്കാൻ, സന്തോഷങ്ങൾ പകർന്നുനൽകാൻ, നല്ല ഓർമ്മകൾ സമ്മാനിക്കാൻ, സ്നേഹം പകരാൻ, പരസ്പരം സഹായമാകാൻ ഓരോ ആഘോഷങ്ങൾക്കും കഴിയട്ടെ.