മനം നിറക്കാൻ മധുമന്ത്രങ്ങൾ:mantras to fill the mind-255

നമ്മളുടെ സമയം വിലപ്പെട്ടതുപോലെ മറ്റുള്ളവരുടെ സമയവും വളരെ വിലപ്പെട്ടതാണ്.

ഓരോ നിമിഷവും വേണ്ട രീതിയിൽ ഉപയോഗിക്കാൻ നമ്മൾ ഓരോരുത്തരും വളരെയേറെ ശ്രദ്ധിക്കേണ്ടതുണ്ട്.

സമയത്തെ നഷ്ടപ്പെടുത്തിയാൽ നമ്മൾക്ക് ഒരിക്കലും നഷ്ടപ്പെട്ട സമയം തിരികെ കിട്ടില്ലായെന്ന യാഥാർഥ്യം ഇനിയെങ്കിലും തിരിച്ചറിയാൻ സാധിക്കട്ടെ.

മറ്റുള്ളവരുടെ വിലപ്പെട്ട സമയത്തെ വേണ്ടതുപോലെ പരിഗണിക്കാൻ നമ്മൾ ഓരോരുത്തർക്കും സാധിക്കട്ടെ.

ഇന്നലെകളിൽ നഷ്ടപ്പെടുത്തിയ കാര്യങ്ങളെക്കുറിച്ച് ആലോചിച്ചു നിരാശപ്പെട്ടിരിക്കാതെ നേട്ടങ്ങൾ സ്വന്തമാക്കികൊണ്ട് മുന്നേറാൻ ഇനി എന്തെല്ലാം നല്ല വഴികളുണ്ടെന്ന് അന്വേഷിക്കുക.

സമയത്തെ തടഞ്ഞു നിർത്താൻ കഴിയില്ല. ദുഃഖവും സന്തോഷവും നമ്മളിൽ പലർക്കും നൽകികൊണ്ട് സമയം മുന്നോട്ടു അതിവേഗത്തിൽ കടന്നുപോയികൊണ്ടിരിക്കും.

നമ്മളുടെ വിഴ്ചകളിൽ നമ്മൾക്കുവേണ്ടി സഹായം നൽകാനായി സമയം മാറ്റിവെച്ചിട്ടുള്ള എല്ലാവരെയും നന്ദിയോടെ ഓർക്കാൻ ഇനിയെങ്കിലും കഴിയട്ടെ.

മറ്റുള്ളവരുടെ സമയം വിലപ്പെട്ടതാണെന്ന തിരിച്ചറിവിൽ, അനാവശ്യമായി സമയം പാഴാക്കുന്ന കാര്യങ്ങളിൽ നിന്നും മറ്റുള്ളവരെ കാര്യങ്ങൾ ബോധ്യമാക്കികൊണ്ട് ആവശ്യമെങ്കിൽ മാറ്റി നിറുത്താൻ നമ്മൾ ഓരോരുത്തർക്കും സാധിക്കട്ടെ.

ഓരോ സമയവും വളരെയേറെ വിലപ്പെട്ടതാണെന്നും അതോടൊപ്പം മറ്റുള്ളവരുടെ സമയവും വിലപ്പെട്ടതാണെന്ന തിരിച്ചറിവിൽ മുന്നേറാൻ നമ്മൾ എല്ലാവർക്കും സാധിക്കട്ടെ.