മനം നിറക്കാൻ മധുമന്ത്രങ്ങൾ:mantras to fill the mind-33

നമ്മൾ ചെയ്യുന്ന ഓരോ കാര്യവും ആർക്കെങ്കിലും എപ്പോഴെങ്കിലും പ്രയോജനം ഉളവാക്കുന്നതായിരിക്കണം.

ആർക്കും പ്രയോജനം ഇല്ലാത്ത കാര്യത്തിൽ ഇടപെട്ടുകൊണ്ട് സമയം പാഴാക്കുന്നതിൽ അർത്ഥമില്ല.

നമ്മൾക്ക് ഒത്തിരിയേറെ കുറവുകൾ ഉണ്ടാവാം, പരിമിതികൾ ഉണ്ടാവാം അവയെയെല്ലാം അതിജീവിച്ചുകൊണ്ട് മുന്നേറാൻ നമ്മൾ ഓരോരുത്തർക്കും സാധിക്കേണ്ടതുണ്ട്.

പലരും അവരുടെ ജീവിതത്തിൽ വിജയം നേടിയിട്ടുള്ളത് പ്രതിസന്ധികളെ അതിജീവിക്കാൻ കഴിവിന്റെ പരമാവധി പരിശ്രമിച്ചതുകൊണ്ടാണ്.

നാളെകളിൽ നല്ല ഫലങ്ങൾ അനുഭവിക്കണമെങ്കിൽ ഇന്ന് തന്നെ അതിനുള്ള ശ്രമങ്ങൾ ആരംഭിക്കേണ്ടതുണ്ട്.

മറ്റുള്ളവർക്ക് വേദന ഉളവാക്കുന്ന കാര്യങ്ങൾ കഴിവതും ഒഴിവാക്കാൻ ശ്രദ്ധിക്കുക.

നമ്മളെ ചെറുപ്പം മുതൽ കഷ്ടപ്പെടുത്തി വളർത്തിയ നമ്മളെക്കാൾ മുതിർന്നവരെ തിരിച്ചു സംരക്ഷണം നൽകേണ്ട ഉത്തരവാദിത്തം നമ്മൾക്കുണ്ട്.

മക്കളെകൊണ്ടോ, മാതാപിതാക്കളെകൊണ്ടോ, മറ്റുള്ളവരെക്കൊണ്ടോ യാതൊരു പ്രയോജനവുമില്ല എന്ന രീതിയിൽ കാണാതിരിക്കാനും,ഉപേക്ഷിക്കാതിരിക്കാനും സാധിക്കട്ടെ.

നമ്മുടെയൊക്കെ ജീവിതത്തിൽ പണം വരും, പോകും. പണം നമ്മളിൽ നിലനിർത്താൻ നല്ലതുപോലെ കഷ്ടപ്പെടേണ്ടതുണ്ട്. പണമില്ലാത്ത അവസ്ഥകൾ നമ്മൾക്ക് ഉണ്ടാകുമ്പോൾ നമ്മളോട് അടുപ്പമുള്ള പലരും നമ്മളെ ഒരുപക്ഷെ ഉപേക്ഷിച്ചു പോയെന്നു വരാം.

ആരൊക്കെ നമ്മളെ ഉപേക്ഷിച്ചാലും ഇല്ലെങ്കിലും നമ്മളെ തന്നെ സ്നേഹിച്ചുകൊണ്ട്, അവരവർക്കും,മറ്റുള്ളവർക്കും പ്രയോജനകരമായ കാര്യങ്ങൾ ചെയ്യുന്നതിൽ ശ്രദ്ധിക്കാൻ ഇനിയുള്ള കാലം നമ്മൾ ഓരോരുത്തർക്കും സാധിക്കട്ടെ.