motivation-56

സമയമാകുമ്പോൾ എല്ലാം ശരിയാവും എന്ന് വിശ്വസിക്കാൻ കഴിയണം. ഇന്നിന്റെ ദുഃഖങ്ങൾ മാറുന്ന ഒരു സമയം നമ്മുടെയൊക്കെ ജീവിതത്തിൽ കടന്നുവരും. 

നാളെകളിൽ സന്തോഷിക്കാൻ, സമാധാനിക്കാൻ നമ്മൾക്ക് അവസരം കിട്ടുമെന്ന പ്രതീക്ഷയോടെ ആത്മാർഥമായി പ്രവർത്തിക്കാൻ സാധിക്കേണ്ടതുണ്ട്.

ഓരോ സമയത്തും ഓരോ കാര്യവും സംഭവിക്കും, പ്രകൃതിയുടെ മാറ്റങ്ങൾ മനുഷ്യർക്ക് നിയന്ത്രിക്കാൻ സാധിക്കുന്നതല്ലല്ലോ.

നമ്മുടെ കഷ്ടതകൾ മാറുവാൻ നമ്മൾ തന്നെ പരിശ്രമിക്കണം. എല്ലായ്പോഴും മറ്റുള്ളവരെ ആശ്രയിക്കാൻ സാധിച്ചെന്നു വരില്ല.

ഇന്നലെകളിലെ മോശം സാഹചര്യത്തെ കുറ്റപ്പെടുത്തിയിരുന്നാൽ ഒരിക്കലും മുന്നോട്ടു പോകുവാൻ സാധിച്ചെന്നു വരില്ല. ജീവിതത്തിൽ ഉണ്ടാകുന്ന ഓരോ വേദനിപ്പിക്കുന്ന അനുഭവങ്ങളിൽ നിന്നും തിരിച്ചറിവുകൾ നേടേണ്ടതുണ്ട്.

സമയം ആകുമ്പോൾ എല്ലാം ശരിയാകുമെന്ന് വിശ്വസിക്കുകയും അതോടൊപ്പം പരിശ്രമം കുടി നമ്മുടെ ഭാഗത്തുനിന്നും ഉണ്ടായെങ്കിലാണ് മുന്നോട്ടു വിജയം നേടിയെടുക്കാൻ സാധിക്കുകയുള്ളു.

ഇപ്പോൾ കിട്ടുന്ന സമയം പാഴാക്കാതെ ഉയർച്ചക്കായി പരിശ്രമിക്കുക. പരാജയങ്ങളെയും, പ്രതിസന്ധികളെയും, കഷ്ടപ്പാടുകളെയും അതിജീവിച്ചുകൊണ്ട് മുന്നേറാൻ നമ്മൾക്ക് കഴിയട്ടെ.