motivation-61

പ്രയാസങ്ങളിൽ നിന്നും പാഠങ്ങൾ പഠിക്കുക. ഇന്നലെകളിൽ ജീവിച്ചിരുന്ന മനുഷ്യർ പല കാര്യത്തിലും വളരെയേറെ പ്രയാസം അനുഭവിച്ചിരുന്നു, അവർക്കുണ്ടായ പ്രയാസങ്ങൾ ഭാവി തലമുറക്ക് ഉണ്ടാവാതിരിക്കാൻ അവരുടെ കഴിവിന്റെ പരമാവധി പരിശ്രമിച്ചതിന്റെ ഗുണങ്ങളാണ് നമ്മളിൽ പലരും ഇന്ന് അനുഭവിക്കുന്ന സുഖസൗകര്യങ്ങൾ.

നമ്മൾ ഇന്ന് അനുഭവിക്കുന്ന ഓരോ പ്രയാസത്തിനും ശരിയായ വിധത്തിൽ പരിഹാരം കണ്ടെത്താൻ കഴിയേണ്ടതുണ്ട്. നമ്മൾ മുന്നോട്ടു തിരഞ്ഞെടുക്കേണ്ട വഴികൾ നേരായിട്ടുള്ളതായിരിക്കണം, ഇല്ലെന്നുണ്ടെങ്കിൽ കൂടുതൽ പ്രയാസത്തിന് ഒരുപക്ഷെ കാരണമായേക്കാം.

പ്രയാസങ്ങൾ ആർക്കാണ്, എപ്പോഴാണ് ഉണ്ടാവുകയെന്നൊന്നും മുൻകൂട്ടി പറയാൻ കഴിയില്ലല്ലോ.

ഇന്ന് നമ്മൾ എടുക്കുന്ന ഓരോ തീരുമാനങ്ങളും മുന്നോട്ടുള്ള വഴികളിൽ ലക്ഷ്യം നേടുന്നതിന് വളരെയധികം നിർണ്ണായകമാണ്.

പ്രയാസങ്ങളെ അഭിമുഖികരിക്കുക എല്ലാവർക്കും അത്ര എളുപ്പമല്ല.

ഒരാൾ അനുഭവിക്കുന്ന പ്രയാസങ്ങൾ എത്രത്തോളമാണെന്ന് മറ്റൊരാൾക്കും ഒരുപരിധി വിട്ടു മനസ്സിലാക്കാൻ ഒരുപക്ഷെ സാധിച്ചെന്നു വരില്ല.

നമ്മൾ ഭൂരിഭാഗം ആളുകൾക്കുമുള്ള പ്രയാസങ്ങൾക്ക് പ്രധാന കാരണങ്ങൾ സാമ്പത്തിക ബുദ്ധിമുട്ട്, രോഗാവസ്ഥകൾ, ദുരിതങ്ങൾ എന്നിവയൊക്കെയാണ്.

പരസ്പരം സഹായം ഉണ്ടായാൽ മാത്രമാണ് ഭൂരിഭാഗം പ്രയാസങ്ങളും നമ്മുടെയൊക്കെ ജീവിതത്തിൽ നിന്നും മാറുകയുള്ളൂ.

ഓരോ പ്രയാസങ്ങളും നമ്മളിൽ നിന്നും വിട്ടകലാൻ അതിന്റെതായ സമയം നമ്മൾ ഓരോരുത്തർക്കും ആവശ്യമാണ്, അതുവരെ ക്ഷമയോടെ നേരായ രീതിയിൽ പരിശ്രമിച്ചേ മതിയാകുള്ളൂ.

പ്രയാസങ്ങൾ ഇല്ലാതാവാൻ നല്ലതുപോലെ പരിശ്രമം ആവശ്യമാണ്.ഈ ലോകത്തിൽ ജീവിക്കുന്ന എല്ലാവർക്കും തന്നെ ജീവിതത്തിന്റെ പല ഘട്ടങ്ങളിലായി പ്രയാസങ്ങളെ നേരിടേണ്ടി വന്നിട്ടുണ്ടാകാം.

പ്രയാസങ്ങളെ എല്ലാം തന്നെ ശരിയായ വിധത്തിൽ ആത്മവിശ്വാസത്തോടെ നേരിടാൻ നമ്മൾ എല്ലാവർക്കും സാധിക്കട്ടെ.