motivation-291

ജീവിതത്തിൽ പലപ്പോഴായി നമ്മളൊക്കെ ഒറ്റപ്പെടൽ അനുഭവിച്ചിട്ടുണ്ടാകും. നമ്മൾക്കുള്ള ഒറ്റപ്പെടലിന്റെ കാരണങ്ങൾ കണ്ടെത്താനും വേണ്ടവിധത്തിൽ പരിഹരിക്കാനും കഴിയേണ്ടതുണ്ട്.

ഒറ്റപ്പെടലുകൾ നമ്മളിൽ പലർക്കും തന്നെ വളരെയേറെ വേദന നൽകുന്ന കാര്യമാണ്.പെട്ടെന്നൊരു നിമിഷത്തിൽ നമ്മൾക്ക് ഒറ്റപ്പെടൽ ഉണ്ടാവുന്നത് ഉൾകൊള്ളാൻ എളുപ്പം കഴിയണമെന്നില്ല.

ഒറ്റപ്പെടൽ ആർക്കും എപ്പോൾ വേണമെങ്കിലും ഉണ്ടായേക്കാം. പ്രകൃതി ദുരന്തം വഴിയായി എത്രയധികം മനുഷ്യരാണ് ഒറ്റപ്പെടൽ അനുഭവിച്ചുകൊണ്ടിരിക്കുന്നത്.

ഒറ്റപ്പെടലിന്റെ വേദനകളെ അകറ്റാൻ ശരിയായ വഴികളെ മാത്രം ആശ്രയിക്കുക.

നമ്മൾ ഇഷ്ടപ്പെടുന്നവർ, നമ്മളെ തിരിച്ചു ഇഷ്ടപ്പെടണമെന്ന് യാതൊരു നിർബന്ധവുമില്ലല്ലോ.നമ്മുടെയൊക്കെ ഇഷ്ടങ്ങൾ മറ്റുള്ളവരാൽ നിരസിക്കപ്പെടുന്നത് വളരെയേറെ വേദന ഉളവാക്കുന്ന കാര്യമാണെങ്കിൽ കൂടിയും ജീവിതത്തിലെ യാഥാർഥ്യങ്ങൾ ഉൾകൊള്ളാൻ നമ്മൾ ഓരോരുത്തർക്കും കഴിയേണ്ടതുണ്ട്.

നമ്മുടെ വേണ്ടപ്പെട്ടവർ ആയികൊള്ളട്ടെ, നമ്മളെ ഒറ്റപ്പെടുത്തിയാൽ പോലും മനസ്സുകൊണ്ടും ശരിരം കൊണ്ടും തളരാതെ മുന്നേറാൻ നമ്മൾക്ക് കഴിയേണ്ടതുണ്ട്.

മറ്റുള്ളവരുടെ മുൻപിൽ വേണ്ടത്ര സമ്പന്നതയോ, കഴിവുകളോ, ജോലിയോ, വിദ്യാഭ്യാസ യോഗ്യതകളോ, സൗന്ദര്യമോ നമ്മൾക്കൊക്കെ ഇല്ലാത്തതിന്റെ പേരിൽ ഒരുപക്ഷെ മറ്റുള്ളവരിൽ നിന്നും പല സാഹചര്യത്തിലും ഒറ്റപ്പെടൽ നേരിടേണ്ടി വന്നേക്കാം.

ഒറ്റപ്പെടലിന്റെ വേദന നമ്മളിൽ നിന്നും അകലാൻ അതിന്റെതായ സമയം ആവശ്യമാണ്.ഒറ്റപ്പെടലിന്റെ വേദന അകറ്റാൻ ശരിയായ മാർഗങ്ങൾ സ്വീകരിക്കുവാൻ നമ്മൾ എല്ലാവർക്കും സാധിക്കട്ടെ.

പണം, സൗന്ദര്യം, കഴിവ്, അധികാരം, വിദ്യാഭാസ യോഗ്യത എന്നിവയൊക്കെ ഉണ്ടെന്ന് കരുതി ഒറ്റപ്പെടൽ നേരിടേണ്ടി വരില്ലായെന്ന് ആർക്കും ഉറപ്പ് പറയാൻ കഴിയണമെന്നില്ലല്ലോ.

നമ്മൾക്ക് നേരിടേണ്ടി വരുന്ന ഒറ്റപ്പെടലുകളെ ശരിയായ വിധത്തിൽ കൈകാര്യം ചെയ്യാൻ ഇനിയുള്ള നാളുകളിൽ നമ്മൾ എല്ലാവർക്കും സാധിക്കട്ടെ.