motivation-300

നമ്മൾ ഓരോരുത്തരും നേട്ടങ്ങൾ സ്വന്തമാക്കാനായി ആഗ്രഹിക്കുന്നവരും അതിനായി നല്ലതുപോലെ പരിശ്രമിക്കുന്നവരുമാണ്.

നമ്മൾക്ക് കിട്ടിയ നേട്ടങ്ങൾ ഓരോന്നും നമ്മൾക്ക് ഒത്തിരിയേറെ ഉന്മേഷവും, ഊർജവും നൽകിയേക്കാം.

പരാജയങ്ങളെയും, പ്രതിസന്ധികളെയും ശരിയായ മാർഗത്തിലൂടെ അതിജീവിച്ചാൽ മാത്രമാണ് നല്ല നേട്ടങ്ങൾ നമ്മൾക്ക് സ്വന്തമാക്കാൻ കഴിയുകയുള്ളു.

നമ്മളിലെ കുറവുകൾ കണ്ടെത്തി തിരുത്തിയാൽ മാത്രമാണ് നേട്ടങ്ങൾ നമ്മൾക്ക് കൈവരിക്കാൻ കഴിയുകയുള്ളു.

സ്ഥിരോത്സാഹത്തോടെ മുന്നേറാൻ നമ്മൾക്ക് കഴിയേണ്ടതുണ്ട്. ഭാവിയിൽ നേടേണ്ട ലക്ഷ്യങ്ങളെപറ്റി വ്യക്തമായ ധാരണ നമ്മൾ ഓരോരുത്തർക്കും ഉണ്ടാവേണ്ടതുണ്ട്.

നമ്മുടെ പരാജയങ്ങളിൽ നമ്മളെ കുറ്റപ്പെടുത്താൻ, കളിയാക്കാൻ, ഒറ്റപ്പെടുത്താൻ പലരും ശ്രമിച്ചെന്നിരിക്കാം അതിലൊന്നും തളരാതെ മുന്നേറാൻ നമ്മൾക്ക് കഴിയേണ്ടതുണ്ട്.

പരാജയങ്ങളിൽ തളരാതെ, നിരാശപ്പെട്ടിരിക്കാതെ, അലസതയെ കൂട്ടുപിടിക്കാതെ മുന്നേറാൻ നമ്മൾക്ക് കഴിയേണ്ടതുണ്ട്.

നല്ല നേട്ടങ്ങൾ സ്വന്തമാക്കാനായി അതിയായി ആഗ്രഹിക്കുക, അതിനായി നല്ലതുപോലെ പരിശ്രമിക്കുക.

പരാജയങ്ങളിൽ, നഷ്ടങ്ങളിൽ, ദുരിതങ്ങളിൽ സങ്കടപ്പെട്ടിരിക്കാതെ മുന്നേറാനുള്ള ശ്രമങ്ങൾ നമ്മുടെയൊക്കെ ഭാഗത്തുനിന്നും ആത്മാർത്ഥമായി ഉണ്ടാവേണ്ടതുണ്ട്.

നല്ല നേട്ടങ്ങൾ സ്വന്തമാക്കാനായി അതിയായ ഉത്സാഹം നമ്മൾ ഓരോരുത്തർക്കും ഇനിയുള്ള നാളുകളിൽ ഉണ്ടാവട്ടെ.