motivation-324

ഓരോ മനുഷ്യർക്കും വ്യത്യസ്തങ്ങളായ കഴിവുകളാണ് ഉള്ളത്. നമ്മുടെ കഴിവുകളെ വളർത്തിയെടുക്കേണ്ടത് നമ്മുടെ മാത്രം ആവശ്യമാണ്.

നമ്മൾ ഓരോരുത്തർക്കും ഉയർച്ച കൈവരിക്കണമെങ്കിൽ നല്ലതുപോലെ നമ്മളിലെ കഴിവുകളെ ഉപയോഗപ്പെടുത്താൻ ശ്രദ്ധിക്കേണ്ടതുണ്ട്.

നമ്മൾ അനുഭവിക്കുന്ന വേദനകൾ ഒന്നും തന്നെ മറ്റൊരാൾക്കും നമ്മൾക്ക് പകരമായി അനുഭവിക്കാൻ കഴിയില്ലല്ലോ.നമ്മൾക്ക് തുല്യം നമ്മൾ മാത്രം. നമ്മൾ ഈ ലോകത്ത് ജീവിച്ചിരിക്കുന്ന കാലത്തോളം നല്ല കാര്യങ്ങൾക്കായി സമയം ചിലവഴിക്കുക.

നമ്മൾ എത്ര ശ്രമിച്ചാലും മറ്റൊരാൾക്ക്‌ പകരമാവാൻ നമ്മൾക്ക് കഴിയില്ല. ഓരോ മനുഷ്യരിലും അവരുടേതായ കഴിവുകൾ ഉള്ളതുപോലെ കുറവുകളുമുണ്ട്.

സ്വന്തം കുറവുകൾ തിരിച്ചറിഞ്ഞുകൊണ്ട് അവയെല്ലാം വേണ്ട വിധത്തിൽ നികത്താനുള്ള ശ്രമങ്ങൾ നമ്മുടെ ഭാഗത്തു നിന്നും ആത്മാർഥമായി ഉണ്ടാവേണ്ടതുണ്ട്.

ഓരോ മനുഷ്യരിലെയും വ്യത്യസ്തതയാണ് ഈ ലോകത്തെ മനോഹരമാക്കുന്നത്. നമ്മൾക്ക് ലഭിക്കാതെ പോയ കഴിവുകളെപറ്റി ചിന്തിച്ചു വിഷമിച്ചിരിക്കാതെ മുന്നോട്ടു നമ്മുടെ കഴിവുകളെ എങ്ങനെ ഉപയോഗപ്പെടുത്താമെന്നാണ് നോക്കേണ്ടത്.

നമ്മുടെ വിലപ്പെട്ട സമയത്തെ നഷ്ടപ്പെടുത്തി കളഞ്ഞാൽ നമ്മൾ ആർക്കും തന്നെ ഒന്നും നേടിയെടുക്കാൻ കഴിഞ്ഞെന്നു വരില്ല.

നമ്മൾ ചെയ്യേണ്ടതായ കാര്യങ്ങൾ അലസത കൂടാതെ നമ്മൾ തന്നെ ചെയ്യുക. നമ്മൾക്ക് പകരം ചെയ്യാൻ ഈ ലോകത്ത് മറ്റാർക്കും സാധ്യമല്ലായെന്നുള്ള ചിന്ത നമ്മളിൽ ഉണ്ടാവട്ടെ.

നമ്മൾക്ക് പകരമാകാൻ ഈ ലോകത്ത് മറ്റാർക്കും കഴിയില്ലായെന്ന യാഥാർഥ്യം തിരിച്ചറിയാൻ ഇനിയും വൈകികൂടാ.

മുന്നോട്ടു നല്ലതുപോലെ പരിശ്രമിച്ചുകൊണ്ട് നേട്ടങ്ങൾ കൈവരിക്കാൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.