motivation-326

ലോകത്തിൽ ഉള്ള ഓരോ മനുഷ്യർക്കും അവരുടെ ജീവിതസാഹചര്യം അനുസരിച്ചു പലതിനോടും വെറുപ്പ് തോന്നിയേക്കാം.

ബന്ധങ്ങളിൽ മാത്രമല്ല, ഇഷ്ടപ്പെട്ട പലതിനോടും എപ്പോൾ വേണമെങ്കിലും വെറുപ്പ് ഉണ്ടായേക്കാം.

നിസ്സാര കാരണങ്ങൾ മതി നമ്മളിൽ  വെറുപ്പ് ആരംഭിക്കാൻ.നമ്മൾക്ക് ഇന്നലെകളിൽ ഇഷ്ടമായിരുന്നവ ഇന്നിപ്പോൾ ഒരുപക്ഷെ വെറുപ്പായിട്ട് മാറിയിട്ടുണ്ടാവും.

വെറുക്കാൻ വളരെ എളുപ്പമാണ്, വെറുപ്പ് അകറ്റി സ്നേഹിക്കാൻ അത്ര എളുപ്പമല്ല.

നമ്മൾക്ക് മറ്റുള്ളവരോട് വെറുപ്പ് ഉണ്ടാവാൻ തക്കതായ എന്തെങ്കിലുമൊക്കെ കാരണങ്ങൾ ഉണ്ടായേക്കാം.വെറുപ്പിനെ അകറ്റി നിർത്താൻ നമ്മൾ ഓരോരുത്തരും ആത്മാർത്ഥമായി ശ്രമിക്കേണ്ടതുണ്ട്.

മറ്റുള്ളവരോടുള്ള വെറുപ്പ് മനസ്സിൽ ഒത്തിരി നാൾ കൊണ്ടുനടന്നാൽ ഒരുപക്ഷെ നമ്മുടെയൊക്കെ മാനസിക ശാരീരിക ആരോഗ്യത്തെയൊക്കെ വളരെയേറെ മോശമായി തന്നെ ബാധിച്ചേക്കാം.

വെറുപ്പിന്റെ കാരണങ്ങൾ കണ്ടെത്തി പരിഹരിക്കാൻ നമ്മൾ ഓരോരുത്തരും ശ്രമിക്കേണ്ടതുണ്ട്.

വെറുപ്പ് വഴി നമ്മൾക്കുണ്ടാകുന്ന ദോഷങ്ങൾ ചെറുതല്ല. വെറുപ്പ് നമ്മൾക്ക് യാതൊരു തരത്തിലുള്ള ഗുണങ്ങളും നൽകുന്നില്ല.

വെറുപ്പിനെ നമ്മളിൽ നിന്നും അകറ്റാനുള്ള ശ്രമങ്ങൾ ഉണ്ടാവേണ്ടതുണ്ട്. നമ്മളോട് പലരും ആവശ്യമില്ലാതെ വെറുപ്പ് പ്രകടമാക്കിയേക്കാം. തെറ്റിദ്ധാരണയുടെ പുറത്തു വെറുപ്പ് തോന്നിയവരും ഒരുപക്ഷെ ഉണ്ടാകാം.

മനസ്സ് തുറന്നു സ്നേഹിക്കാൻ കഴിയണം, ക്ഷമിക്കാൻ കഴിയണം അങ്ങനെയെങ്കിൽ ഒരുപക്ഷെ വെറുപ്പിനെ ഒരു പരിധി വരെയെങ്കിലും അകറ്റാൻ സാധിച്ചേക്കാം.

വെറുപ്പിനെ അകറ്റികൊണ്ട് മനസ്സിൽ സ്നേഹം നിറയ്ക്കാൻ നമ്മൾ ഓരോരുത്തരും നല്ലതുപോലെ പരിശ്രമിക്കണം.

മറ്റുള്ളവരെ നമ്മൾ എപ്പോഴും പഠിപ്പിക്കേണ്ടത് സ്നേഹിക്കാനാണ്.സ്നേഹം കൊണ്ട് ലോകം കിഴടക്കുക.

വെറുപ്പ് നമ്മളിൽ ഉള്ളിടത്തോളം കാലം നമ്മളിൽ നിന്നും സന്തോഷവും, സമാധാനവും ഒരുപക്ഷെ ഒരുപരിധിവരെ ഇല്ലാതായേക്കാം.

സ്നേഹം എന്താണെന്ന് നമ്മൾ ഓരോരുത്തരും പഠിക്കേണ്ടതുണ്ട്.

വെറുപ്പിനെ അകറ്റാനുള്ള ശ്രമങ്ങൾ ആരംഭിക്കണം. വെറുപ്പ് കടന്നുവരാനുള്ള സാഹചര്യം പരമാവധി ഒഴിവാക്കാൻ നമ്മൾ ഓരോരുത്തർക്കും ഇനിയുള്ള നാളുകളിൽ കഴിയട്ടെ.