motivation-328

ക്ഷമ നമ്മുടെയൊക്കെ ജീവിതത്തിൽ ഉണ്ടെങ്കിൽ പല കാര്യത്തിലും നേട്ടങ്ങൾ കൈവരിക്കാൻ ഒരുപക്ഷെ സാധിച്ചേക്കും. നമ്മുടെ ഭാഗത്തുനിന്നും തെറ്റുകൾ സംഭവിച്ചാൽ ക്ഷമ ചോദിക്കാൻ പഠിക്കേണ്ടതുണ്ട്.

മറ്റുള്ളവർ ചെയ്ത തെറ്റിന് ക്ഷമ നൽകാൻ സാധിച്ചു കഴിഞ്ഞാൽ തെറ്റു തിരുത്തിയ വ്യക്തിയുടെ മനസ്സിന് ഒരുപക്ഷെ വളരെയേറെ ആശ്വാസം ലഭിച്ചേക്കാം.

ഓരോ കാര്യത്തിലും വിജയം നേടാൻ ക്ഷമയോടെ നിശ്ചിത നാളുകൾ പരിശ്രമിക്കേണ്ടതായിട്ട് വരും.

മറ്റുള്ളവരുടെ കുറ്റപ്പെടുത്തലുകളെയും, ഒറ്റപ്പെടുത്തലുകളെയും, കളിയാക്കലുകളെയും അതിജീവിച്ചുകൊണ്ട് മുന്നേറാൻ ക്ഷമയോടുകൂടി വിജയത്തിനുവേണ്ടി പരിശ്രമിച്ചെങ്കിൽ മാത്രമേ സാധിക്കുകയുള്ളു.

ഏതു കാര്യവും ശ്രമിക്കുമ്പോൾ തന്നെ വിജയം നേടണമെന്നില്ല. ക്ഷമയോടെ പരിശ്രമിക്കുന്നവർക്ക് മാത്രമാണ് പലപ്പോഴും വിജയം നേടിയെടുക്കാൻ കഴിയുക.

വിജയത്തിന് വേണ്ടത് വിജയം നേടുംവരെ ക്ഷമയോടെ പ്രവർത്തിക്കാനുള്ള മനസ്സാണ്. എത്രയോക്കെ പരാജയങ്ങൾ നേരിട്ടാലും, പ്രതിസന്ധികൾ നേരിട്ടാലും മുന്നോട്ടു ക്ഷമയോടുകൂടി പോയാൽ മാത്രമാണ് വലിയ നേട്ടങ്ങൾ നമ്മൾ ഓരോരുത്തർക്കും സ്വന്തമാക്കാൻ കഴിയുകയുള്ളു.

ഏതുകാര്യത്തിനും ക്ഷമയോടുകൂടി നേരിട്ടാൽ മാത്രമാണ് അതിന്റെതായ ഫലം കിട്ടുകയുള്ളു. മണ്ണിൽ വിത്തുപാകിയാൽ അതു വളർന്നു ചെടിയായി വളരാൻ, ചെടിയിൽ നിന്നും ഫലം ലഭിക്കാൻ ആവശ്യമായ സമയം വരെ ക്ഷമയോടെ കാത്തിരിക്കുകയല്ലാതെ മറ്റു മാർഗങ്ങൾ ഇല്ലല്ലോ.

ക്ഷമ നമ്മളിൽ നിന്നും കൈമോശം വന്നു കഴിഞ്ഞാൽ പല കാര്യത്തിലും പരാജയപ്പെടാനുള്ള സാധ്യത വളരെ കൂടുതലാണ്.

നേട്ടത്തിനായി ക്ഷമയോടെ പരിശ്രമിച്ചുകൊണ്ട് കാത്തിരിക്കുവാനായി നമ്മൾ ഓരോരുത്തർക്കും ഇനിയുള്ള നാളുകളിൽ കഴിയട്ടെ.