നേർവഴി സഞ്ചാരങ്ങൾ:Straight Path Journeys-1

ഏതൊരു വിജയത്തിനുപിന്നിലും കഠിനാധ്വാനം വളരെയേറെ ആവശ്യമാണ്. അലസത ഒഴിവാക്കികൊണ്ട് നല്ലതുപോലെ കഷ്ടപ്പെടാൻ നമ്മൾ എപ്പോൾ തയ്യാറാകുന്നുവോ അപ്പോഴാണ് വിജയം ആരംഭിക്കുക.

ഒരുപാട് പരാജയങ്ങൾ ഒരുപക്ഷെ നേരിടേണ്ടി വന്നാൽ പോലും അതിനെയെല്ലാം അതിജീവിക്കുവാൻ നമ്മുടെ ഭാഗത്തുനിന്നും ശ്രമിക്കേണ്ടതുണ്ട്.

വളരെയേറെ പ്രതികൂല സാഹചര്യം ഉണ്ടായിട്ടുപോലും അതിനെയെല്ലാം നിരന്തരമായ പരിശ്രമത്തിലൂടെ തോൽപ്പിക്കാൻ കഴിഞ്ഞതുകൊണ്ടാണ് പലർക്കും വിജയം സ്വന്തമാക്കാൻ കഴിഞ്ഞിട്ടുള്ളത്.

ഏതൊരു വിജയം നേടാനും അതിന്റെതായ സമയം വളരെ ആവശ്യമാണ്. നമ്മുടെ ചുറ്റുപാടും ഒത്തിരി നെഗറ്റീവ് പറയുന്നവർ ഉണ്ടായെന്നു വരാം അതിനെയെല്ലാം അതിജീവിച്ചാൽ മാത്രമേ നമ്മൾ ഓരോരുത്തർക്കും നേട്ടങ്ങൾ സ്വന്തമാക്കാൻ കഴിയുകയുള്ളു.

ഓരോ സമയത്തും നമ്മളുടെ ജീവിതത്തിൽ അപ്രതീക്ഷിതമായി പലതും സംഭവിച്ചേക്കാം. നമ്മൾ തളർന്നാൽ നമ്മൾക്ക് തന്നെയാണ് നഷ്ടങ്ങൾ ഉണ്ടാവുക.

നഷ്ടങ്ങൾ നമ്മൾക്ക് ഒത്തിരിയേറെ വേദന കൾക്ക് കാരണമായേക്കാം. ഇനിയുള്ള സമയം വേണ്ടതുപോലെ ഉപയോഗപ്പെടുത്തുക, സമയനഷ്ടം ഒഴിവാക്കാൻ ആത്മാർത്ഥമായി പരിശ്രമിക്കുക.

നല്ല കാര്യങ്ങൾക്കായുള്ള കഷ്ടപ്പാടിന് എന്നെങ്കിലും ഫലം ലഭിക്കുമെന്നുള്ള പൂർണ്ണമായ വിശ്വാസം നമ്മൾ ഓരോരുത്തർക്കും ഉണ്ടാവട്ടെ. ഭാവിയിലെ വിജയങ്ങൾക്കായി ഇപ്പോൾ മുതൽ തന്നെ കഷ്ടപ്പെടാൻ ഒരുക്കമാകുക.

നമ്മൾ എത്രത്തോളം കഷ്ടപ്പെടുന്നതിൽ നിന്നും അകലം പാലിക്കുന്നുവോ അതിനനുസരിച്ചു വിജയവും നമ്മളിൽ നിന്നും അകലെയായിരിക്കും.