സ്നേഹസ്പർശനമായി കൺമുൻപിൽ:A spark of love to open your eyes-അധ്യായം 23

 23.അവനവനിലേക്ക് തിരിഞ്ഞു നോക്കുക.
നമ്മൾ ഓരോരുത്തരും വളരെ അധികം ശ്രദ്ധിക്കേണ്ട കാര്യം ആണ് അവനവനിലേക്ക് തിരിഞ്ഞു നോക്കുക എന്നത്.ഇന്നിപ്പോൾ പലരും നിരാശയിൽ വീഴാൻ കാരണം സ്വയം വിലയിരുത്തൽ ശരിയായവണ്ണം നടത്താത്തത് കൊണ്ടാണ്.നമ്മൾ ക്ഷമയോടെ കഷ്ടപ്പെടാൻ ഒരുക്കമാണ് എങ്കിൽ എന്നെങ്കിലും ഒരിക്കൽ നമ്മൾക്കും നമ്മൾ ആഗ്രഹിച്ചതുപോലെ ലക്ഷ്യങ്ങൾ നേടിയെടുക്കാൻ സാധിച്ചേക്കും. നമ്മൾക്കുണ്ടാകുന്ന സങ്കടങ്ങളുടെ കുത്തൊഴുക്കിൽ നമ്മൾ സ്വയം ജീവിക്കാൻ മറന്നു പോകരുത്.

നമ്മുടെ ഏതൊരു സങ്കടത്തിനു അപ്പുറം സന്തോഷം ഉണ്ടെന്ന് തിരിച്ചറിയുക.നമ്മൾ, നമ്മളെതന്നെ സ്നേഹിക്കാൻ പഠിക്കണം.നമ്മളുടെ കുറവുകളെ പരിഹരിക്കാൻ ശ്രമിച്ചുകൊണ്ടിരിക്കണം.ഇന്ന് ഈ നിമിഷം സന്തോഷകരമാക്കാൻ നമ്മൾ വിചാരിച്ചാൽ സാധിക്കും, അതിന് നമ്മൾക്ക് വേണ്ടത് നമ്മളിലുള്ള നെഗറ്റീവ് ചിന്തകളെ ഒഴിവാക്കുക എന്നതാണ്.വെല്ലു വിളികളെ അതിജീവിച്ചു മുന്നേറാൻ നമ്മൾക്കൊ രോരുത്തർക്കും സാധിക്കണം. നമ്മളെ തന്നെ ആന്മപരിശോധന നടത്തിക്കഴിഞ്ഞാൽ നമ്മളിൽ നിന്നുണ്ടായ പാകപിഴകൾ മനസ്സിലാക്കി എടുക്കാൻ സാധിക്കും.

നമ്മുടെ തിരക്കേറിയ ജീവിതത്തിൽ അൽപ്പം സമയം എങ്കിലും ആന്മപരിശോധന നടത്തേണ്ടത് വളരെ ആവശ്യമായ കാര്യമാണ്. നാളെകളിൽ കൂടുതൽ തെറ്റുകൾ നമ്മുടെ ഭാഗത്തു നിന്ന് സംഭവിക്കാ തിരിക്കാൻ നമ്മളെ, നമ്മളുടെ ആന്മപരിശോധന സഹായിച്ചേക്കും. എല്ലാവർക്കും സമയം കിട്ടുമ്പോ ഴൊക്കെ അവനവനിലേക്ക് തിരിഞ്ഞുനോക്കാൻ സാധിക്കട്ടെ.