സ്നേഹസ്പർശനമായി കൺമുൻപിൽ:A spark of love to open your eyes-195

 195.നിയന്ത്രണം.

നമ്മൾ എല്ലാവർക്കും നിയന്ത്രണത്തിന്റെ ആവശ്യകതയെക്കുറിച്ച് നല്ലതുപോലെ അറിയാം.

പലപ്പോഴും നമ്മൾക്ക് നമ്മളെതന്നെ നിയന്ത്രിക്കാൻ സാധിക്കാറില്ലല്ലോ.ഏതൊരു സാഹചര്യത്തിലും സ്വയം നിയന്ത്രണം പാലിക്കേണ്ടത് വളരെ ആവശ്യമാണ്.എന്തിനെയും ഒരു പരിധിയിൽ കൂടുതൽ നിയന്ത്രിക്കാൻ മനുഷ്യർക്ക് എപ്പോഴും പറ്റിയെന്ന് വരില്ലല്ലോ.ഓരോ നിയമങ്ങൾ കൊണ്ടുവരുന്നത് നിയന്ത്രണം നടപ്പിലാക്കാനാണ്.

നമ്മളിൽ പലരും നിയന്ത്രണം സ്വന്തം ജീവി തത്തിൽ കൊണ്ട് വരണം എന്ന് അതിയായി ആഗ്രഹിക്കുന്നവരാണ്.

നമ്മുടെയൊക്കെ ജീവിതം മറ്റുള്ളവരുടെ നിയന്ത്രണത്തിൽ ആകരുതെന്നും ആഗ്രഹി ക്കുന്നവരാണ്.നമ്മൾ ഒരു ദിവസം എത്ര മണിക്കൂർ ആന്മാർഥമായി നേട്ടത്തിന് വേണ്ടി കഷ്ടപ്പെടുന്നുണ്ട്.ദുശിലങ്ങൾക്ക് അടിപ്പെട്ടു കഴിഞ്ഞാൽ ജീവിതത്തിന്റെ നിയന്ത്രണം നഷ്ടമായേക്കാം.

ജീവിതം സുന്ദരം ആകണം എങ്കിൽ ദുശീ ലങ്ങളോട് വിട പറഞ്ഞേ മതിയാകുള്ളൂ.നമ്മൾ മനുഷ്യർക്ക് ഓരോരോ ബലഹിനതകൾ ഉണ്ടായെന്നു വരും, അതിനെ അതിജീവിക്കുവാൻ നമ്മൾ നേരായ വഴികൾ കണ്ടെത്തണം, ഒരിക്കലും ദുശിലങ്ങളെ ആശ്രയിക്കുക അല്ല വേണ്ടത്.

ദുശിലങ്ങളെ നിയന്ത്രിക്കാൻ തുടക്ക സമയത്ത് തന്നെ ശ്രമിച്ചാൽ ഒരുപരിധിവരെ സാധിക്കുന്ന താണ്.നിയന്ത്രണം ജീവിതത്തിൽ ഉണ്ടാവേണ്ടത് വളരെ ആവശ്യമായ കാര്യമാണ്.നമ്മുടെ നാളെകൾ എങ്ങനെയായിരിക്കും എന്ന് നമ്മൾക്ക് അറിയില്ല.ഇന്ന് നമ്മൾ നിയന്ത്രിച്ചാൽ മാത്രമേ നാളെകളിലേക്ക് കരുതൽ ഉണ്ടാവുകയുള്ളൂ.നമ്മു ടെ ജീവിതത്തെ നിയന്ത്രണത്തിൽ കൊണ്ട് വരണം, ജീവിതത്തിൽ ചിട്ടകൾ കൊണ്ട് വരണം, അതിനായി അനാവശ്യമായി ഒരിക്കലും സമയം പാഴാക്കില്ല എന്ന് തീരുമാനിക്കുക.

നമ്മൾ ആരും തന്നെ എല്ലാം തികഞ്ഞവർ അല്ലല്ലോ.സാധിക്കില്ലായെന്ന് പറയേണ്ടിടത്ത് സാധിക്കില്ലായെന്ന്പറയാൻ പഠിക്കണം.എല്ലാവർ ക്കും അവരവരുടെ ജീവിതം സന്തോഷപ്രദം ആകാൻ സ്വയം നിയന്ത്രണം കൊണ്ട് വരാൻ കഴിയട്ടെ. നമ്മുടെ നേരായ ലക്ഷ്യങ്ങൾ നേടിയെടുക്കാൻ എന്തെല്ലാം നിയന്ത്രിക്കണം, എന്തെല്ലാം നിയന്ത്രിക്കേണ്ട എന്നൊക്കെ തീരുമാനിക്കാൻ നമ്മൾക്ക് ഓരോരുത്തർക്കും കഴിയട്ടെ.