മനം നിറക്കാൻ മധുമന്ത്രങ്ങൾ:mantras to fill the mind-261

നമ്മളെകൊണ്ട് ഇത്രയൊക്കെ പറ്റു എന്ന് വിചാരിച്ചാൽ മുന്നോട്ടു പലതും നടക്കുമായിരുന്നില്ല,പക്ഷെ എങ്കിൽ നമ്മുടെ കഴിവിന്റെ പരമാവധി കാര്യങ്ങൾ ചെയ്യുവാൻ ശ്രമിച്ചുകൊണ്ടിരുന്നാൽ നല്ല ഫലങ്ങൾ ലഭിക്കും.

നല്ല മാറ്റം ഇഷ്ടമില്ലാത്തവർ ആരും തന്നെ ഇല്ല.പ്രായമാകുന്തോറും നമ്മുടെ ശരീരത്തിലും മനസ്സിലും ബുദ്ധിയിലും കഴിവിലും മാറ്റങ്ങൾ സംഭവിക്കുന്നു.മനുഷ്യർക്ക്‌ ഏറ്റവും വേണ്ടപ്പെട്ടത് മാറ്റമാണ്.ഒരു മാറ്റം നമ്മളിൽ സംഭവിക്കണമെങ്കിൽ അതിന്റെ പിന്നിൽ ഒത്തിരി കാര്യങ്ങൾ ഉണ്ട്.

ഇന്നത്തെ കഠിന പരിശ്രമങ്ങൾ നമ്മളിൽ ഒരു മാറ്റം സംഭവിപ്പിക്കും.നമ്മുടെ ചുറ്റിലും നോക്കിയാൽ എന്തൊക്കെ മാറ്റങ്ങളാണ് നാം ഓരോ മനുഷ്യരുടെ സ്വഭാവത്തിലും പ്രവർത്തികളിലും ദിവസേന കണ്ടു കൊണ്ടിരിക്കുന്നത്.

ലോകത്തിൽ എന്തൊക്കെ മാറ്റങ്ങൾ വന്നാലും മനുഷ്യരായ നമുക്ക് നല്ല മാറ്റങ്ങളാണ് സംഭവിക്കേണ്ടത്, ഇല്ലായെങ്കിൽ ഇനിയും നമ്മൾ ദുരന്തങ്ങളെ,ദുരിതങ്ങളെ നേരിടേണ്ടി വരാം.

നാളെ എന്ത് സംഭവിക്കും എന്ത് സംഭവിച്ചു കൂടാ എന്നൊന്നും ആർക്കും കൃത്യമായി പ്രവചിക്കാൻ ആവില്ലല്ലോ.

ഇനിയുള്ള കാലം നമ്മൾ നല്ല രീതിയിലേക്ക് മാറുവാൻ ശ്രമിച്ചാൽ അതൊരു വലിയ മാറ്റമായിരിക്കും നമ്മൾക്കും നമ്മളുടെ വേണ്ടപ്പെട്ടവർക്കും.എല്ലാവർക്കും ഒരു നല്ല മാറ്റം ഉണ്ടാവട്ടെ, അതിനായി പരിശ്രമിക്കാൻ കഴിയട്ടെ.