സ്നേഹസ്പർശനമായി കൺമുൻപിൽ:A spark of love to open your eyes-63

 63.ഉപകാരപ്പെടുക.
എത്രയെത്ര കാര്യങ്ങളാണ് നമ്മുടെ അനുദിനജീവിതത്തിൽ നമ്മൾ ഓരോരുത്തർക്കും ഉപകാരപ്പെടുന്നത്,ഇനിയും ഉപകാരപ്പെടാനുള്ളത്.
ഇഷ്ടം ഉള്ളത് ചെയ്യാനാണ് നമ്മൾ ഭൂരിഭാഗം പേരും നമ്മുടെ വിലപ്പെട്ട സമയം ചെലവഴിക്കുന്നത്.ഒരു പക്ഷെ മറ്റുള്ളവരെ കളിയാക്കുന്നതും, വിമർശിക്കുന്നതും, കുറ്റം പറയുന്നതും ഇഷ്ടപ്പെടുന്നവരും ഉണ്ടായേക്കാം.
നമ്മുടെ ഇന്ന് വരെയുള്ള ജീവിതത്തിൽ ഒത്തിരി കാര്യങ്ങൾ നമ്മൾ ഓരോരുത്തർക്കും ഉപകാര പ്പെട്ടിട്ടുണ്ട്.ഒരു പക്ഷെ മറ്റുള്ളവർ നമ്മളെ സഹായിച്ചതാകാം,കുറ്റം പറഞ്ഞതാകാം,വിമർശി
ച്ചതാകാം,ഒറ്റപ്പെടുത്തിയത് ആകാം.അനന്ത സാധ്യ
തകളുടെ ലോകം നമ്മുടെ കണ്മുൻപിലുണ്ട്.നമ്മൾ മുൻപോട്ട് പോകണം എങ്കിൽ നമ്മൾ തന്നെ വിചാരിക്കണം, എന്ത് കാര്യം നേടിയെടുക്കണം എങ്കിലും നമ്മൾ തന്നെ മുന്നിട്ടിറങ്ങണം.

ഈ ഭൂമിയിൽ ഒത്തിരി നല്ല മനുഷ്യരും ഉണ്ട്, അവരുടെ നന്മപ്രവർത്തികൾ ആണ് പിന്നീട് കടന്നു വന്നിട്ടുള്ള തലമുറകൾക്ക് പ്രചോദനം ആയിട്ടുള്ളത്.എല്ലാ മനുഷ്യരിലും കുറ്റവും കുറവുകളും ഉണ്ടെങ്കിൽ കൂടിയും അവരിൽ എവിടെയെങ്കിലും അൽപ്പം എങ്കിലും നന്മയുടെ വശങ്ങളും ഉണ്ടാവാതിരിക്കില്ല.വളർന്നു വന്ന സാഹചര്യവും ചുറ്റിലുമുണ്ടായിട്ടുള്ള ബന്ധങ്ങളും നമ്മളുടെ ജീവിതങ്ങളെ വളരെ അധികം സ്വാധിനിച്ചു.നമ്മളുടെ ഉള്ളിലെ വേദനകൾക്ക്, നിരാശകൾക്ക്, ദുരിതങ്ങൾക്ക് ഒരു പക്ഷെ നാളിതുവരെ ആയിട്ടും ഉത്തരം ഒന്നും ലഭിച്ചിട്ടുണ്ടാകില്ല, ഒരു പക്ഷെ എന്നെങ്കിലും ഒരിക്കൽ ഉത്തരം ലഭിച്ചേക്കാം.

നമ്മൾ ആവശ്യം അറിഞ്ഞിരിക്കേണ്ട അറിവുകൾ നേടുക.നമ്മൾക്ക് നേടിയെടുക്കാവുന്ന അറിവു കൾക്ക് പരിധിയില്ല.ഒരു സങ്കടം വന്നാൽ അതിൽ നിന്നും എങ്ങനെ കര കയറാം എന്ന് നമ്മൾക്ക് അറിവുണ്ടാകണം, തിരിച്ചറിവ് ഉണ്ടാവണം.
ജീവിതം പൊരുതാനുള്ളതാണ്, പൊരുതി ജയിക്കാനുള്ളതാണ് എന്ന് പൊതുവെ പറയാറുണ്ട്.എത്രയേറെ വ്യക്തികൾ അവരുടെ ജീവിതത്തിൽ തോൽവികൾ ഏറ്റുവാങ്ങി യതിനുശേഷമാണ് വിജയം നേടിയിട്ടുള്ളത്.ഓരോ പരാജയവും ഓരോ പാഠങ്ങളാണ്.വിജയത്തിലേ ക്ക് കൈപിടിച്ചു ഉയർത്താൻ നമ്മളെ ഓരോ തോൽവികളും വളരെ അധികം സഹായിക്കും.ഒരാൾ എങ്ങനെ തോറ്റു എന്നറിഞ്ഞാൽ നമ്മൾക്ക് അതിൽ നിന്നും ഒത്തിരി കാര്യം പഠിക്കാൻ കഴിയും.എല്ലാവർക്കും ചുറ്റിലും നടക്കുന്ന കാര്യങ്ങളിൽ നിന്നും നല്ല നല്ല കാര്യങ്ങൾ പഠിച്ചെടുക്കാൻ കഴിയുന്നതിലൂടെ ഉപകാരം ഉണ്ടാവട്ടെ.