ഉൾകൊള്ളാൻ ഉൾകാഴ്ചകൾ:The Art of innerspring insight-63

ഈ സമയവും കടന്നുപോകും,അതൊരു പ്രപഞ്ചസത്യമാണ്.

സമയം ഒരിക്കലും വിശ്രമിക്കുന്നില്ല.സമയത്തിന് വേണ്ടി നമ്മൾക്ക് ഒന്നും ചെയ്യാൻ കഴിയില്ല,സമയം നമ്മൾക്ക് വേണ്ടി പലതും ചെയ്തു തരുന്നു.

ജീവിതത്തിൽ സങ്കടം വരുമ്പോൾ നമ്മൾക്ക് കിട്ടുന്ന ഏറ്റവും വലിയ ആശ്വാസം ഈ സമയവും കടന്നു പോകും എന്നുള്ള വിശ്വാസമാണ്.

 

ചെറുപ്പത്തിൽ ദാരിദ്രവും പട്ടിണിയിലും കഴിഞ്ഞ ഒത്തിരി ആളുകൾ ഇന്ന് നമ്മൾക്കിടയിൽ സമ്പന്നതയിൽ കഴിയുന്നുണ്ട്,അതെല്ലാം അവരുടെ സമയത്തിനെ വേണ്ട വിധത്തിൽ പ്രയോജനപ്പെടുത്തിയത് കൊണ്ടാണ്....

 

ഒരിക്കൽ പോലും നമ്മുടെ ഇന്നലെകളിലെ സങ്കടപ്പെടുത്തുന്ന ഓർമ്മകളെ താലോലിക്കരുത്,അത് നമ്മളുടെ മനസ്സിനെയും ശരീരത്തെയും ഒരുപോലെ തളർത്തും.

 

എല്ലാവർക്കും കിട്ടുന്ന സമയം വേണ്ടവിധം പ്രയോജനപ്പെടുത്താൻ കഴിയട്ടെ.നമ്മളുടെ ഭാഗത്ത്‌ നിന്നുള്ള പരിശ്രമം ഇല്ലാതെ ഈ സമയവും കടന്നു പോകും എന്ന് പറഞ്ഞുകൊണ്ടിരുന്നിട്ട് ഒരു കാര്യവും ഇല്ല.

 

എല്ലാവർക്കും കിട്ടുന്ന സമയം നല്ല കാര്യത്തിന് വിനിയോഗിക്കാൻ കഴിയട്ടെ.മറ്റുള്ളവരുടെ വിലപ്പെട്ട സമയം നമ്മളായിട്ട് വെറുതെ നഷ്ടപ്പെടുത്തരുത്.

 

നമ്മളിൽ നിന്നും ഓരോ നിമിഷവും അകന്ന് കൊണ്ടിരിക്കുന്ന സമയങ്ങൾ ഒരിക്കലും നമ്മൾക്ക് തിരികെ ലഭിക്കില്ല.ഈ നിമിഷം മുതൽ മനസ്സ് കൊണ്ട് സന്തോഷിക്കാൻ ശ്രമിച്ചു നോക്കു,പതിയെ പതിയെ ശ്രമങ്ങൾ വിജയത്തിൽ എത്തുന്നത് കാണാൻ കഴിയും.