സ്നേഹസ്പർശനമായി കൺമുൻപിൽ:A spark of love to open your eyes-167

 

167.ധൈര്യം.

നമ്മളിൽ പലർക്കും പലപ്പോഴും എന്തെങ്കിലും നല്ല കാര്യം ചെയ്യാൻ ധൈര്യം കിട്ടാറില്ല.നമ്മൾ മനുഷ്യർക്ക് പല കാര്യങ്ങൾക്കും മുന്നോട്ട് പോകുവാൻ ധൈര്യം കുറവുണ്ടാകും.ധൈര്യവും നമ്മൾക്ക് വേണമെങ്കിൽ നേടിയെടുക്കാവുന്നതേ ഉള്ളു.

 

ഇന്നിപ്പോൾ നമ്മളിൽ പലരും യാതൊരു ചമ്മലും കൂടാതെ ആളുകളോട് സംസാരിക്കുന്നുവെങ്കിൽ നമ്മളിലെ ഭയത്തെ നമ്മൾ തന്നെ പരിശീലനത്തിലൂടെ അകറ്റിയത് കൊണ്ടാണ്, ധൈര്യമായി നേരിട്ടതുകൊണ്ടാണ്.നമ്മൾ തളർന്നു നിരാശയിൽ കഴിയുമ്പോൾ പലരും ആശ്വാസവാക്കായി പറയുന്നത് ധൈര്യമായിരിക്കു എന്നാണ്.വിഷമാവസ്ഥകളിൽ ധൈര്യംആയിരിക്കു

ഞങ്ങളില്ലേ
കൂടെ എന്ന് പറയാൻ ആരെങ്കിലും ഉണ്ടായിരുന്നുവെങ്കിൽ എന്ന് നമ്മളിൽ പലരും ആഗ്രഹിക്കാറില്ലേ.ചിലരെ കാണുമ്പോൾ പറയാറില്ലേ അസാമാന്യ ധൈര്യം ആണ് അവർക്കൊക്കെയെന്ന്.ജീവിതത്തിലെ വെല്ലുവി ളികളെ നേരിടാൻ നമ്മൾ എല്ലാവർക്കും ധൈര്യം ആവശ്യമാണ്.ധൈര്യം ആയി ജീവിക്കാനാണ് എല്ലാ മനുഷ്യരും ആഗ്രഹിക്കുന്നത്.എല്ലാവർക്കും അവരവരുടെ ലക്ഷ്യം നിറവേറ്റാൻ ധൈര്യം ആയി മുന്നോട്ട് പോകുവാൻ സാധിക്കട്ടെ.