ഉൾകൊള്ളാൻ ഉൾകാഴ്ചകൾ:The Art of innerspring insight-163

 നമ്മൾക്ക് നിത്യജീവിതത്തിൽ ഏറ്റവും കൂടുതൽ ഇഷ്ടം ഉള്ളത് തിരഞ്ഞെടുക്കാനാണ് താല്പര്യം.

ഓരോ കാലഘട്ടം അനുസരിച്ചും നമ്മൾക്ക് ഉണ്ടാകുന്ന താല്പര്യങ്ങളും വ്യത്യാസം വന്നു കൊണ്ടിരിക്കും.

മനുഷ്യർക്ക് നമ്മെ താല്പര്യം ഇല്ലാതെ ആകുമ്പോൾ നമ്മൾ സ്വഭാവികമായി അവരുടെ മുൻപിൽ ഒറ്റപ്പെടും.

നമ്മൾ എപ്പോഴും സ്വന്തം തീരുമാനപ്രകാരം മുന്നോട്ടുള്ള കാര്യങ്ങൾ തീരുമാനിക്കാൻ പഠിക്കണം.

താല്പര്യം ഇല്ലാത്ത കാര്യങ്ങൾ താല്പര്യം ഇല്ല എന്ന് പറയാൻ കഴിയണം.

ജീവിതഅനുഭവങ്ങളാണ് ഓരോ വ്യക്തിയിലും താല്പര്യങ്ങൾ ഉണ്ടാക്കുന്നതും ഉള്ള താല്പര്യങ്ങൾ നഷ്ടപ്പെടുത്തുന്നതും.

എല്ലാവർക്കും എന്തെങ്കിലും കാര്യത്തിൽ താല്പര്യം ഉണ്ടാകണം. എന്ത് കാര്യത്തിൽ താല്പര്യം വേണം എന്നത് അവനവന്റെ ഇഷ്ടം ആണ്.

മറ്റുള്ളവരുടെ താല്പര്യങ്ങൾക്ക് പിന്നാലെ പോയാൽ ഒരു പക്ഷെ നമ്മുടെ ജീവിതം എപ്പോഴെങ്കിലും ഒരു ചോദ്യചിഹ്നമാകും.

നമ്മളോട് സ്വയം ചോദിക്കുക മുന്നോട്ട് പോകാൻ എന്ത് കാര്യത്തിലാണ് താല്പര്യം വേണ്ടത് എന്ന്.

പഠിക്കുന്ന വിദ്യാർത്ഥി ആണെങ്കിൽ പഠിക്കാൻ താല്പര്യം കാണിക്കണം. പഠനത്തിൽ നിന്നും ശ്രദ്ധ അകറ്റുന്ന കാര്യങ്ങൾ ചെയ്യാൻ താല്പര്യപ്പെട്ടാൽ ഒരു പക്ഷെ ഭാവിയിൽ നിരാശ ആയിരിക്കും ഫലം.

നമ്മുടെ താല്പര്യങ്ങൾ ഒരിക്കലും മറ്റുള്ളവരിൽ അടിച്ചു ഏൽപ്പിക്കരുത്. അവർക്ക് താല്പര്യം ഉണ്ടെങ്കിൽ എത്ര നാളുകൾ കഴിഞ്ഞാലും അവർ നമ്മളോട് പറയും, നമ്മൾ കാത്തിരിക്കുക.നമ്മൾ നമ്മളുടെ താല്പര്യങ്ങൾക്കായി പരിശ്രമിച്ചുകൊണ്ടിരിക്കുക.

എല്ലാ മനുഷ്യർക്കും അവരവരുടേതായ താല്പര്യങ്ങൾ ഉണ്ടാകും എന്ന് തിരിച്ചറിയുക.എല്ലാ താല്പര്യമില്ലായ്മക്ക് പിന്നിലും എന്തെങ്കിലും കാരണം ഉണ്ടാകും.