മനം നിറക്കാൻ മധുമന്ത്രങ്ങൾ:mantras to fill the mind-216

ജീവിതത്തിൽ വളരെ അധികം ശ്രദ്ധിക്കാൻ സാധിക്കാത്ത കാര്യമാണ് പുഞ്ചിരിക്കുക എന്നത്.നമ്മൾ വളരുന്തോറും മറന്നു പോകുന്ന ഒരു കാര്യമാണ് മനസ്സിൽ തട്ടി പുഞ്ചിരിക്കാൻ കഴിയുക എന്നത്.നമ്മളിൽ പലരും ഇന്ന് കുറെ കാര്യങ്ങളിൽ കരയുന്നുണ്ട്, പക്ഷെ നമ്മിൽ ആരും ചിരിക്കാൻ ശ്രമിക്കാറില്ല.

മറ്റുള്ളവർ തമാശകൾ പറയുമ്പോൾ ചിരിക്കുന്നത് സ്വാഭാവികമാണ്.നമ്മുടെ മനസ്സിന് ഒരു പ്രത്യകത ഉണ്ട് അത് നമ്മൾ എന്ത് സ്വീകരിക്കുന്നു എന്തൊക്കെ തള്ളി കളയുന്നു എന്നതിനെ അടിസ്ഥാനപ്പെടുത്തിയാണ്.നമ്മളിൽ പലരും ആളുകളെ കാണുമ്പോൾ ചിരിക്കാറുണ്ട് ഒരു പക്ഷെ മുൻപരിചയം ഇല്ലെങ്കിൽ പോലും.ഒരു ചിരി പലരുടെയും ജീവിതത്തിൽ മാറ്റങ്ങൾ സംഭവിപ്പിക്കും.ഒരു പക്ഷെ സ്നേഹത്തിന്റെ തുടക്കമാകാം.

മറ്റുള്ളവരുടെ ജീവിതത്തിൽ നമ്മൾക്ക് ഒരു സ്ഥാനവും ഇല്ലെങ്കിൽ പോലും നമ്മളെ കാണുമ്പോൾ അവർ ചിരിക്കുന്നു എങ്കിൽ നമ്മളെ നമ്മളാക്കിയത് നമ്മളും അവരും തമ്മിലുള്ള സ്നേഹബന്ധമാണ്.

ഒരിക്കലും മറ്റുള്ളവരെ പരിഹസിച്ചു ചിരിക്കരുത്,കാരണം മനുഷ്യന്റെ അവസ്ഥകൾ പെട്ടെന്ന് മാറി മാറിയും.എല്ലാവർക്കും പരിഹാസം ഒരു പോലെ താങ്ങുവാൻ കഴിഞ്ഞെന്നു വരില്ല.മറ്റുള്ളവരെ നോക്കി മനസ്സ് തുറന്നു പുഞ്ചിരിക്കാനും മനസ്സ് തുറന്നു സംസാരിക്കാനും സാധിക്കട്ടെ.ഇന്ന് മുതൽ മനസ്സ് തുറന്നു സ്വയം ചിരിക്കാൻ സാധിക്കട്ടെ.