മനം നിറക്കാൻ മധുമന്ത്രങ്ങൾ:mantras to fill the mind-219

ഇന്ന് നമുക്കായി ഒരു പുതിയ വർഷം കടന്നു വന്നിരിക്കുന്നു.ഒത്തിരി പ്രതീക്ഷകളും സ്വപ്‍നങ്ങളും പൂവണിയാനുള്ള വർഷമായി നമുക്ക് ഈ വർഷത്തെ മാറ്റാം.ജീവിതം നമ്മൾ ആസ്വദിക്കുന്നത് ഓരോ പ്രതീക്ഷകളും സഫലമാകുമ്പോഴാണ് അതിനു വേണ്ടി പ്രയത്നിക്കുമ്പോഴാണ്.

ഇന്നലെ വരെ നമ്മളുടെ ജീവിതത്തിൽ വന്ന പോരായ്‌മകൾ തിരുത്തി മുന്നേറുവാൻ ഈ വർഷം നമുക്ക് പ്രയോജനപ്പെടുത്താം.ഈ വർഷം നമ്മളുടെ ജീവിതത്തെ നല്ല രീതിയിൽ മാറ്റിമറിക്കുന്നതായി തീരട്ടെ. നമ്മളുടെ കഴിവുകൾ തിരിച്ചറിയുവാൻ ഈ വർഷം ഇടവരുത്തട്ടെ.

ഓരോ ദിവസവും കഴിയുമ്പോൾ നമ്മിൽ കുടികൊള്ളേണ്ടത് പ്രതീക്ഷകളെ വരവേൽക്കാനുള്ള മനസ്സാണ്.നമ്മളുടെ സാഹചര്യങ്ങളും ചുറ്റുപാടുകളും എങ്ങനെയും ആയിക്കൊള്ളട്ടെ അതിനെയൊക്കെ നമ്മുടെ പ്രതീക്ഷകൾക്കായി അനുകൂലമാക്കാം അങ്ങനെയെങ്കിൽ ഇനിയുള്ള നാളുകൾ സന്തോഷത്തിന്റെതാകും എന്നതിൽ സംശയമില്ല.കൂടുതൽ കഠിനാധ്വാനം ചെയ്യാൻ തയ്യാറാകുക എന്തിനെയും നേരിടാൻ തയ്യാറാകുക ജീവിതം ഒന്നേ ഉള്ളു അത് കൂടുതൽ സന്തോഷപ്രദമാക്കുക .

നമ്മുടെ ഭാവിപ്രവർത്തനങ്ങൾ നമുക്കും നമ്മുടെ ചുറ്റിലുമുള്ളവർക്കും സന്തോഷപ്രദമായി തീരട്ടെ.എല്ലാവരുടെയും ലക്ഷ്യങ്ങൾ ഈ വർഷം സഫലമാകട്ടെ അതിന് സർവ്വേശ്വരൻ അനുഗ്രഹിക്കട്ടെ.