നേർവഴി സഞ്ചാരങ്ങൾ:Straight Path Journeys-30

നമ്മൾ ഓരോരുത്തർക്കും നാളെകളിൽ എത്തിച്ചേരേണ്ട ലക്ഷ്യസ്ഥാനത്തെപ്പറ്റി നല്ലതുപോലെ ധാരണയുണ്ടാവണം. ലക്ഷ്യം മുന്നിൽ കണ്ടുകൊണ്ട് പ്രവർത്തിക്കാൻ കഴിയണം.

നമ്മൾ എത്രമാത്രം പരിശ്രമിക്കുന്നുവോ അതിനനുസരിച്ചായിരിക്കും നമ്മൾക്ക് കിട്ടുന്ന പ്രതിഫലങ്ങൾ.

മുന്നിൽ വ്യക്തമായ ലക്ഷ്യം കണ്ടെത്തിയാൽ മാത്രമേ, ആ ലക്ഷ്യത്തിനുവേണ്ടി പരിശ്രമിക്കാൻ കഴിയുകയുള്ളു.

ലക്ഷ്യം ഇല്ലാതെ യാത്ര ചെയ്താൽ നമ്മൾക്ക് എവിടെയും എത്തിച്ചേരാൻ കഴിഞ്ഞെന്നുവരില്ലല്ലോ.

നെഗറ്റീവ് വാക്കുകളും, നിരുത്സാഹപ്പെടുത്തലുകളും നമ്മുടെയൊക്കെ ജീവിതത്തിൽ പലപ്പോഴായി പലരിൽ നിന്നും കേൾക്കേണ്ടി വന്നേക്കാം, അതിലൊന്നും തളർന്നിരിക്കാതെ ഉണർവോടെ പ്രവർത്തിക്കാൻ നമ്മൾക്ക് കഴിയേണ്ടതുണ്ട്.

നമ്മൾ എത്രമാത്രം കഷ്ടപ്പെടാൻ തയ്യാറാകുന്നുവോ അതിനനുസരിച്ചു മാത്രമായിരിക്കും നമ്മൾ ഓരോരുത്തർക്കും വിജയിക്കാനുള്ള സാധ്യത തുറന്നു കിട്ടുക.

തൊട്ടടുത്ത നിമിഷം എങ്ങനെ ആയിരിക്കുമെന്ന് നമ്മൾ ആർക്കും തന്നെ കൃത്യമായി പറയാൻ കഴിഞ്ഞെന്നു വരില്ല. നാളെകളിൽ ഉയർച്ച നേടാൻ ഇന്നിന്റെ വിലപ്പെട്ട സമയങ്ങളെ നല്ലതുപോലെ ഉപയോഗപ്പെടുത്താൻ നമ്മൾ ഏവർക്കും സാധിക്കണം.

നമ്മുടെയൊക്കെ ജീവിതത്തിൽ സന്തോഷം നിറയാൻ, സമാധാനം കണ്ടെത്താൻ നേട്ടങ്ങൾ നേടേണ്ടതിന്റെ ആവശ്യകത വളരെയേറെയാണ്.

മുന്നോട്ടുള്ള യാത്രയിൽ ഒത്തിരിയേറെ പ്രതിസന്ധികളും,പരാജയങ്ങളും, നഷ്ടങ്ങളും, ദുഃഖദുരിതങ്ങളുമെല്ലാം ഒരുപക്ഷെ നേരിടേണ്ടി വന്നേക്കാം, അവിടെയെല്ലാം തളരാതെ പൊരുതാൻ, വിജയം നേടിയെടുക്കുമെന്നുള്ള ഉറച്ച വിശ്വാസത്തിൽ മുന്നോട്ടു പോകുവാൻ നമ്മൾ ഓരോരുത്തർക്കും സാധിക്കണം.

ഇന്നിന്റെ സമയത്തെ പൂർണ്ണമായി പ്രയോജനപ്പെടുത്തികൊണ്ട് മുന്നേറാൻ നമ്മൾ ഏവർക്കും സാധിക്കട്ടെ.