നേർവഴി സഞ്ചാരങ്ങൾ:Straight Path Journeys-4

നമ്മളിൽ പലരും ചുറ്റുപാടിൽ നിന്നും പലരുടെയും കളിയാക്കലുകൾ ഏറ്റുവാങ്ങിയവരാകും. ഓരോ കളിയാക്കലുകളും നമ്മളെയൊക്കെ വളരെയേറെ മാനസികമായി തളർത്തിയെന്ന് വന്നേക്കാം.

കളിയാക്കലുകൾ നേരിടാൻ കഴിയാതെ പോയവരും, കരുത്തോടെ നേരിടാൻ കഴിയുന്നവരുമുണ്ട് നമ്മൾക്കിടയിൽ.

കളിയാക്കലുകൾ നേരിടേണ്ടി വരുന്നവർ അനുഭവിക്കുന്ന ബുദ്ധിമുട്ട് എത്രത്തോളമാണെന്ന് കളിയാക്കുന്നവർക്ക് സ്വന്തം അനുഭവത്തിൽ വരുന്നതുവരെ ഒരുപക്ഷെ മനസ്സിലാകണമെന്നില്ല.

കളിയാക്കലുകളിൽ വിഷമിച്ചിരിക്കാതെ മനസ്സിന് ധൈര്യം നൽകികൊണ്ട് മുന്നേറാൻ നമ്മൾ ഓരോരുത്തർക്കും കഴിയണം. മറ്റുള്ളവരുടെ കളിയാക്കലുകളിൽ നമ്മൾ തളർന്നാൽ നമ്മൾക്ക് മാത്രമാണ് അതിലുടെ നഷ്ടം ഉണ്ടാവുക.

കളിയാക്കലുകൾ നേരിടേണ്ടി വരുന്ന വ്യക്തി അനുഭവിക്കുന്ന ബുദ്ധിമുട്ട് ഒരുപക്ഷെ ആ വ്യക്തിയിൽ പ്രതികാരചിന്തകൾ ഉണർത്തിയേക്കാം, അതുമൂലം വലിയൊരു അപകടത്തിന് കാരണമായേക്കാം.

മറ്റുള്ളവരെ കളിയാക്കുമ്പോൾ കിട്ടുന്ന സന്തോഷമൊന്നും അധികകാലം നമ്മൾക്ക് കിട്ടില്ല.

കളിയാക്കലുകൾ വഴി ഉണ്ടായ സങ്കടങ്ങൾ ഓരോന്നും പിന്നിടുള്ള കാലം നമ്മളോടൊപ്പം നീറുന്ന ഓർമ്മകളായി ഒരുപക്ഷെ സഞ്ചരിച്ചേക്കാം.

കളിയാക്കലുകളിൽ തളരാതെ സ്വന്തം കഴിവിൽ വിശ്വസിച്ചുകൊണ്ട് മുന്നേറാൻ ആത്മാർത്ഥമായി പരിശ്രമിക്കാം.

ഇനിയുള്ള കാലം ആരെയും കളിയാക്കാതിരിക്കുക. നമ്മൾ കാരണം ആരുടെയും മനസ്സ് വേദനിക്കാതിരിക്കട്ടെ.