സ്നേഹസ്പർശനമായി കൺമുൻപിൽ:A spark of love to open your eyes-അധ്യായം 44

44.ആവശ്യപ്പെടുക.
നമ്മളിൽ പലർക്കും നമ്മൾക്ക് ആവശ്യമായിട്ടുള്ള കാര്യങ്ങൾ മറ്റുള്ളവരോട് ആവശ്യപ്പെടാൻ സാധിക്കാറില്ല.നമ്മൾക്ക് എന്തുവേണം എന്ന് നമ്മൾ പറയാതെ മറ്റുള്ളവർക്ക് അറിയാൻ കഴിയില്ലല്ലോ.
ആവശ്യങ്ങൾ ഇല്ലാത്ത മനുഷ്യരില്ല.മരണം വരെ ഓരോ മനുഷ്യനും ഓരോരോ ആവശ്യങ്ങളുണ്ട് പൂർത്തിയാക്കാനായിട്ട്.നമ്മൾ ആവശ്യപ്പെടാതെ നമ്മൾക്ക് വേണ്ട കാര്യങ്ങൾ നമ്മളുടെ ചുറ്റുപാടിൽ നിന്നും പൂർണ്ണമായി ലഭിക്കണമെന്നില്ല.

ഏതൊരു സാഹചര്യത്തിലും മുന്നോട്ട് പോകുവാൻ ആവശ്യപ്പെടുക എന്നതിന് വളരെ അധികം പ്രാധാന്യമുണ്ട്.നമ്മൾ ആവശ്യപ്പെടാതെ നമ്മളെ സ്നേഹിക്കുന്ന, സഹായിക്കുന്ന ഒരുപാട് ആളുകളുണ്ട് നമ്മുടെ ചുറ്റിലുമായി ഈ ലോകത്ത്.
നമ്മൾ എല്ലാവർക്കും ഓരോരോ ആവശ്യങ്ങൾ ഓരോ സാഹചര്യം അനുസരിച്ചു ഉണ്ടാകും, അന്നേരം മനസ്സ് തുറന്നു നമ്മുടെ മോശം അല്ലാത്ത ആവശ്യങ്ങൾ മറ്റുള്ളവരെ അറിയിക്കാൻ സാധിക്കട്ടെ.