ഉൾകൊള്ളാൻ ഉൾകാഴ്ചകൾ:The Art of innerspring insight-44

എല്ലാ മനുഷ്യർക്കും അവരവരുടെ ജീവിതത്തിൽ ഒരുപാട് ആവശ്യങ്ങൾ നിറവേറ്റാനായിട്ട് ഉണ്ടാവും.സഹായം നിരസിക്കുന്നവരുടെ മുൻപിൽ ആവശ്യം കണ്ടറിഞ്ഞു ചെയ്യാൻ എപ്പോഴും സാധിച്ചെന്നു വരില്ല.

ഒരാൾക്ക് ദാഹിച്ചാൽ വെള്ളം കൊടുക്കുക, വിശന്നാൽ ഭക്ഷണം കൊടുക്കുക ഇതൊക്കെ ചെയ്തുകൊടുക്കണമെങ്കിൽ ആവശ്യം കണ്ടറിഞ്ഞു ചെയ്യുക തന്നെ വേണം.ലോകത്തിൽ ഓരോ മനുഷ്യരും മുന്നോട്ട് പോകുന്നത് പരസ്പരം സഹകരണം കൊണ്ടുമാത്രമാണ്.

നമ്മളെകൊണ്ട് കഴിയാവുന്ന സഹായം നമ്മൾ മറ്റുള്ളവർക്ക് ചെയ്തുകൊടുക്കുക, അതാണല്ലോ മനുഷ്യത്വം എന്നു പറയുന്നത്.ചുറ്റിലുമുള്ള നിസ്സഹായരായ മനുഷ്യർ ധാരാളമുണ്ട്, അവരുടെ ആവശ്യങ്ങളിൽ നമ്മളെകൊണ്ട് ആകുന്നതുപോലെ സഹായം എത്തിക്കാൻ സാധിക്കണം.പരസ്പരം സഹായം ഇല്ലാതെ ആർക്കും അധികകാലം മുന്നോട്ട് പോകുവാൻ സാധിക്കുകയില്ല.നമ്മൾ ഈ ലോകത്തു ഒറ്റക്കല്ല.നമ്മളെ സഹായിക്കാൻ ഒരുപാട് നല്ലവരായ മനുഷ്യർ നമ്മുടെ ചുറ്റിലുമുണ്ട്.

ആവശ്യം കണ്ടറിയുക എന്നത് നമ്മൾ മറ്റുള്ളവരെ ശരിക്കും മനസ്സിലാക്കിയാലാണ് സാധിക്കുക.നമ്മൾ മനുഷ്യർക്ക്‌ എപ്പോഴാണ് പെട്ടെന്നൊരു ആവശ്യം വരുന്നതെന്ന് പറയാൻ പറ്റില്ലല്ലോ. ആവശ്യസന്ദർഭങ്ങളിൽ മറ്റുള്ളവരെ കഴിവിനോത്തു സഹായിക്കാൻ നമ്മൾ എല്ലാവർക്കും സാധിക്കട്ടെ.

ലോകത്തിന്റെ നല്ലതായിട്ടുള്ള ആവശ്യങ്ങൾ നമ്മളുടെ കഴിവുകളിലൂടെ പൂർത്തീകരിക്കാൻ നമ്മൾ എല്ലാവർക്കും സാധിക്കട്ടെ.