മനം നിറക്കാൻ മധുമന്ത്രങ്ങൾ:mantras to fill the mind-153

നമ്മളിൽ പലർക്കും ചിലപ്പോഴൊക്കെ സ്വയം വില ഇല്ലാതായിപോകുന്ന അവസ്ഥകളെ ഒരുപക്ഷെ നേരിടേണ്ടി വന്നിട്ടുണ്ടാവാം.

സ്വയം വില നമ്മൾക്ക് നൽകാൻ ഒരിക്കലും മറക്കാതിരിക്കുക.നമ്മൾക്ക് വേണ്ട പരിഗണന നമ്മൾ സ്വയം ഇല്ലാതാക്കിയാൽ ഒരുപക്ഷെ മറ്റുള്ളവരുടെ അവഗണന കളിലും, അപമാനത്തിലും, കളിയാക്കലുകളിലും വളരെയേറെ നിരാശപ്പെട്ടുകൊണ്ട് തളർന്നിരിക്കാനുള്ള സാധ്യത വളരെ കൂടുതലാണ്.

നമ്മൾ പല പ്രാവശ്യം ജീവിതത്തിലെ പല മേഖലകളിൽ പരാജയപ്പെട്ടേക്കാം, തളർന്നു വിണേക്കാം അപ്പോഴെല്ലാം സ്വയം വില നൽകികൊണ്ട് മുന്നേറാൻ നമ്മൾ ഓരോരുത്തരും കരുത്തു ആർജിക്കേണ്ടതുണ്ട്.

നമ്മൾക്ക് സ്വയം വില നൽകാൻ ഇനിയെങ്കിലും മറക്കാതിരിക്കുക. നമ്മളെക്കാൾ കൂടുതലായി മറ്റു പലതിനും വില കൊടുക്കുമ്പോഴാണ് നമ്മൾക്കു ഒരുപക്ഷെ ഒത്തിരിയേറെ ദുഃഖങ്ങൾ അനുഭവിക്കേണ്ടി വരുന്നത്.

നമ്മൾ ഇപ്പോൾ ദാരിദ്ര്യത്തിൽ കഴിയുന്നവർ ആയിക്കോട്ടെ, ദുരിതം നേരിടുന്നവർ ആയിക്കോട്ടെ, നഷ്ടങ്ങൾ നേരിടുന്നവർ ആയിക്കോട്ടെ അപ്പോഴൊക്കെ സ്വയം വില നൽകികൊണ്ട് ശക്തമായ രീതിയിൽ നേട്ടങ്ങൾക്കായി മുന്നേറാൻ നമ്മൾ ഓരോരുത്തർക്കും മുൻപോട്ടുള്ള കാലം സാധിക്കട്ടെ.