മനം നിറക്കാൻ മധുമന്ത്രങ്ങൾ:mantras to fill the mind-363

സ്വയം സ്നേഹിക്കാൻ പഠിക്കേണ്ടതുണ്ട്.

ഈ ലോകത്തിൽ നമ്മളെ സ്നേഹിക്കാൻ നമ്മൾ കഴിഞ്ഞേ മറ്റാരുമുള്ളു എന്നത് ഒരിക്കലും മറക്കാതിരിക്കുക.

നമ്മൾക്ക്, നമ്മളെതന്നെ സ്നേഹിക്കാൻ കഴിയണം, നമ്മുടെ കുറവുകളെ അംഗീകരിക്കാൻ കഴിയണം.

സ്നേഹം നഷ്ടപ്പെട്ട അവസ്ഥയിലൂടെ പല മനുഷ്യർക്കും അവരുടെ ജീവിതത്തിൽ പലപ്പോഴായി കടന്നുപോകേണ്ടി വന്നിട്ടുണ്ടാവാം. വളരെയേറെ സങ്കടകരമായ അവസ്ഥയാണ് ഏതൊരു മനുഷ്യർക്കും അവരുടെ ജീവിതത്തിൽ നിന്നും സ്നേഹം നഷ്ടപ്പെടുക എന്നത്.

നമ്മൾ മറ്റുള്ളവരെ എത്രയധികം സ്നേഹിച്ചാലും അതേപോലെ തന്നെ അവരിൽ നിന്നും സ്നേഹം തിരികെ പ്രതീക്ഷിച്ചാലും, എല്ലായ്‌പോഴും പ്രതീക്ഷിച്ചതുപോലെ തന്നെ സ്നേഹം കിട്ടികൊള്ളണമെന്നില്ല.

സ്നേഹം എപ്പോഴും ആത്മാർത്ഥതയോടെ ആയിരിക്കണം ആരോടായാലും പുലർത്തേണ്ടത്. ഒരിക്കലും ആരെയും സ്നേഹിക്കേണ്ടത് ചതിക്കാനും, ദുരുദേശ്യത്തോടെയും ആയിരിക്കരുത്.

മറ്റുള്ളവരുടെ സ്വത്തുക്കൾ കണ്ടുകൊണ്ടും , ആർഭാടങ്ങൾ മോഹിച്ചും ആവരുത് നമ്മൾ മറ്റൊരാളെ സ്നേഹിക്കേണ്ടത്.

നമ്മുടെയൊക്കെ ഇല്ലായ്മകളിൽ പരസ്‌പരം കുറ്റങ്ങൾ പറയാതെ ഉള്ളതുപോലെ പരസ്പരം നല്ലത് പങ്കുവെച്ചുകൊണ്ട് സ്നേഹിക്കാൻ കഴിയേണ്ടതുണ്ട്.

സ്നേഹത്തിനിടയിലുള്ള ആത്മാർത്ഥത നഷ്ടപ്പെട്ടാൽ അവിടെയൊക്കെ പ്രശ്നങ്ങൾ ഒരുപക്ഷെ സൃഷ്ടിക്കപ്പെട്ടേക്കാം.

ആരൊക്കെ നമ്മളെ തള്ളിപ്പറഞ്ഞാലും, ഒറ്റപ്പെടുത്തിയാലും നമ്മളെ തന്നെ സ്നേഹിച്ചു മുന്നേറാൻ ഇനിയുള്ള കാലം നമ്മൾ ഓരോരുത്തർക്കും സാധിക്കട്ടെ.