മനം നിറക്കാൻ മധുമന്ത്രങ്ങൾ:mantras to fill the mind-227

നമ്മൾ ചെയ്യുന്ന എന്തുകാര്യത്തിനും പ്രതിഫലം ലഭിക്കുവാൻ അതിന്റെതായ സമയം ആവശ്യമാണ്. നമ്മളൊക്കെ പല കാര്യങ്ങളും പ്രതിഫലം ആഗ്രഹിക്കാതെ ചെയ്യുന്നവയുമുണ്ട്.

എന്തുകാര്യത്തിനും അതിന്റെതായ ഫലം ഉണ്ടാവുക തന്നെ ചെയ്യും.

നമ്മുടെയൊക്കെ ജീവിതത്തിൽ നല്ല കാര്യങ്ങൾ മറ്റുള്ളവർക്കുവേണ്ടി ചെയ്യാൻ ശ്രമിക്കേണ്ടത് വളരെ ആവശ്യമാണ്.

ജീവിതം മുന്നോട്ടു പോകുവാൻ നമ്മൾ ചെയ്യുന്ന ജോലിക്ക് നിശ്ചിതമായ പ്രതിഫലം ആവശ്യമാണ്. പ്രതിഫലം കിട്ടിയെങ്കിൽ മാത്രമാണ് നമ്മളുടെ ആവശ്യങ്ങൾ സമയാസമയങ്ങളിൽ ഭംഗിയായി നിർവഹിക്കാൻ കഴിയുകയുള്ളു.

മനസ്സിൽ നന്മയുള്ളവർ ചുറ്റിലുമുള്ളവർക്കായി നല്ല കാര്യങ്ങൾ ചെയ്യാൻ എപ്പോഴും ശ്രമിക്കും.

ഏതൊരു കാര്യത്തിനും അർഹിക്കുന്ന പ്രതിഫലം മാത്രം വാങ്ങിക്കുക.

പലയിടത്തും ഒരുപക്ഷെ നമ്മൾ ആഗ്രഹിക്കുന്ന രീതിയിൽ പ്രതിഫലം നൽകാൻ ഉണ്ടായെന്നു വരില്ല.

ഒത്തിരിയേറെ മനുഷ്യർ യാതൊരു പ്രതിഫലവും ആഗ്രഹിക്കാതെ ചുറ്റുമുള്ള മനുഷ്യർക്കായി നല്ല കാര്യങ്ങൾ ചെയ്യുന്നുവെന്നത് വളരെയേറെ സന്തോഷം നൽകുന്ന കാര്യമാണ്.

ഈ ഭൂമിയിൽ പിറന്നുവീണ ഓരോ മനുഷ്യർക്കും ഓരോരോ ഉത്തരവാദിത്തങ്ങളുണ്ട്, അതെല്ലാം ഭംഗിയായി ചെയ്യാൻ നമ്മൾ ഓരോരുത്തർക്കും സാധിക്കട്ടെ.

ചുറ്റുമുള്ള മനുഷ്യർക്ക് പ്രതിഫലം ആഗ്രഹിക്കാതെ നല്ല കാര്യങ്ങൾ ചെയ്യാൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.