മനം നിറക്കാൻ മധുമന്ത്രങ്ങൾ:mantras to fill the mind-276

എല്ലാവരും ജീവിതത്തിൽ രക്ഷപ്പെടാൻ വേണ്ടി നല്ലതുപോലെ പരിശ്രമിക്കുന്നവരാണ്. വർഷങ്ങളായി അധ്വാനിച്ചിട്ടും ഒന്നും നേടാൻ കഴിയാതെ പോയവരുമുണ്ട്.

ആർക്കായാലും രക്ഷപ്പെടാനുള്ള അവസരങ്ങൾ ഒരുപക്ഷെ എപ്പോഴെങ്കിലും വന്നുചേരുമായിരിക്കും, രക്ഷപ്പെടാനുള്ള നല്ല അവസരങ്ങൾ വേണ്ടതുപോലെ കണ്ടെത്തി പ്രയോജനപ്പെടുത്തേണ്ടത് നമ്മുടെ ആവശ്യമാണ്.

നമ്മൾ രക്ഷപ്പെട്ടാലാണ് മറ്റുള്ളവരെ നമ്മൾ വഴിയായി രക്ഷിക്കാൻ കഴിയുകയുള്ളു.

നിലവിലെ ബുദ്ധിമുട്ടുകളിൽ നിന്നും രക്ഷപെടാൻ ആഗ്രഹിക്കാത്തവരായിട്ട് ആരും തന്നെ ഉണ്ടാവില്ല. ഓരോരുത്തരും അവരവരുടെ സമയം ആകും വരെ നല്ലതുപോലെ കഷ്ടപ്പെട്ടാൽ മാത്രമാണ് രക്ഷപ്പെടാൻ കഴിയുകയുള്ളു.

നമ്മുടെ ചുറ്റിലുമുള്ള വിജയികൾ എല്ലാവരും തുടക്കത്തിൽ നല്ലതുപോലെ കഷ്ടപ്പെട്ടവരാണ്, ഒത്തിരിയേറെ പ്രതിസന്ധികളെ അഭിമുഖികരിച്ചവരാണ്, അവരൊക്കെ ആത്മവിശ്വാസത്തോടെ ആ സാഹചര്യങ്ങളെ നേരിട്ടതുകൊണ്ടാണ് ഇന്നിപ്പോൾ വിജയം നേടാനായിട്ട് സാധിച്ചിട്ടുള്ളത്.

നിരന്തരം പരിശ്രമിക്കുക ഒരുനാൾ നമ്മൾക്ക് രക്ഷപ്പെടാനുള്ള സാഹചര്യം ലഭിക്കുമെന്ന് പ്രത്യാശിക്കാം.ശുഭപ്രതീക്ഷയോടെ മുന്നേറാൻ ശ്രമിക്കാം.

എല്ലാവർക്കും ജീവിതത്തിൽ കൂടുതൽ നേട്ടങ്ങൾ കൈവരിച്ചുകൊണ്ട് രക്ഷപ്പെടാനുള്ള സാഹചര്യം ലഭിക്കാനായി ഇനിയുള്ള നല്ല അവസരങ്ങൾ നഷ്ടപ്പെടുത്താതെ നല്ലതുപോലെ കഷ്ടപ്പെടാൻ തയ്യാറാകാൻ സാധിക്കട്ടെ.