മനം നിറക്കാൻ മധുമന്ത്രങ്ങൾ:mantras to fill the mind-338

സമയം നമ്മൾ എല്ലാവർക്കും വളരെയേറെ വിലപ്പെട്ടതാണ്. സമയത്തെ വേണ്ടതുപോലെ ഉപയോഗപ്പെടുത്തിയില്ലായെങ്കിൽ നമ്മൾക്ക് പിന്നിടുള്ള കാലം വളരെയേറെ സങ്കടത്തിന് കാരണമായേക്കാം.

നമ്മൾ ഇന്ന് നേരിട്ടുകൊണ്ടിരിക്കുന്ന പല വിധ സങ്കടങ്ങൾക്കുമുള്ള പ്രധാന കാരണം നമ്മുടെ സമയത്തെ വേണ്ട വിധത്തിൽ വിലമതിക്കാത്തതുകൊണ്ടാണ്.

ഈ ലോകത്തുള്ള എല്ലാവർക്കും ഒരേ സമയം തന്നെയാണ് ലഭിക്കുന്നത്. അവരവർക്ക് കിട്ടിയ സമയത്തെ എങ്ങനെ വിനിയോഗിച്ചു എന്നതിന്റെ അടിസ്ഥാനത്തിലാണ് അവരവരുടെ ജീവിതത്തിൽ പരാജയവും വിജയവും ഉണ്ടാവുന്നത്.

കഴിഞ്ഞുപോയ സമയങ്ങൾ എന്നന്നേക്കുമായി നമ്മളിൽ നിന്നും അകന്നുപോയി, ആ സമയങ്ങൾ നമ്മൾക്കു ഇന്നിപ്പോൾ ഓർമ്മകൾ മാത്രമായി.

സമയത്തെ നഷ്ടപ്പെടുത്താതെ വേണ്ട രീതിയിൽ ഉപയോഗപ്പെടുത്താൻ നമ്മൾ എല്ലാവർക്കും ഇനിയെങ്കിലും കഴിയണം.

നമ്മുടെ ആയുസ്സ് കഴിയും വരെ നമ്മൾക്കും മറ്റുള്ളവർക്കും ഉപകാരപ്രദമായ രീതിയിൽ സമയത്തെ വേണ്ട രീതിയിൽ ഉപയോഗപ്പെടുത്താൻ സാധിക്കട്ടെ.

നമ്മൾക്ക് ഈ ലോകത്തു നേടാൻ കഴിയാത്ത ഒത്തിരി കാര്യങ്ങൾ ഉണ്ടെന്ന് തിരിച്ചറിയാനും അനാവശ്യ കാര്യങ്ങൾക്ക് സമയം ചിലവഴിക്കുന്നതിൽ നിന്നും വിട്ടു നിൽക്കാനും കഴിയട്ടെ.

നമ്മൾക്ക് കിട്ടിയ സമയത്തെ വേണ്ട രീതിയിൽ ഉപയോഗപ്പെടുത്താനും, സമയം നഷ്ടപ്പെടുത്തുന്ന കാര്യങ്ങളിൽ നിന്നും വിട്ടുനിൽക്കാനും നമ്മൾ ഓരോരുത്തർക്കും സാധിക്കട്ടെ.