motivation-244

കഴിഞ്ഞുപോയ നാളുകൾ നമ്മളിൽ പലർക്കും നഷ്ടങ്ങളും, പരാജയങ്ങളും വഴിയായി ഒത്തിരിയേറെ മാനസികമായും, ശാരീരികമായും, സാമ്പത്തികമായും ബുദ്ധിമുട്ടുകൾ ഒരുപക്ഷെ സൃഷ്ടിച്ചിട്ടുണ്ടാവാം, അവയിൽ പലതും നമ്മളെ വളരെയേറെ നിരാശപ്പെടുത്തിയിട്ടുണ്ടാവാം.

കഴിഞ്ഞുപോയത് കഴിഞ്ഞുപോയി ഇനിയിപ്പോൾ അതിനെപറ്റി ആലോചിച്ചുകൊണ്ട് നിരാശപ്പെട്ടിരിക്കുന്നതിൽ അർത്ഥമില്ല.

നമ്മുടെ വിലപ്പെട്ട സമയം നഷ്ടപ്പെടുത്തികളയാൻ മാത്രമേ നിരാശകൾ കൊണ്ട് കഴിയുകയുള്ളു.

നിരാശകളെ അതിജീവിച്ചുകൊണ്ട് മുന്നേറാൻ നമ്മൾക്ക് കഴിയേണ്ടതുണ്ട്. പരാജയങ്ങളും, നഷ്ടങ്ങളും നമ്മുടെയൊക്കെ ജീവിതത്തിൽ എപ്പോൾ വേണമെങ്കിലും ഉണ്ടായേക്കാം അവിടെയെല്ലാം തളരാതെ, നിരാശക്ക് അടിമപ്പെടാതെ ആത്മവിശ്വാസത്തോടെ മുന്നേറാൻ നമ്മൾക്ക് കഴിയേണ്ടതുണ്ട്.

ഇന്നലെകളിൽ ഉണ്ടായ ഓരോ തോൽവികളും നമ്മൾക്ക് വലിയൊരു തിരിച്ചറിവാണ് നൽകുന്നത്. മുന്നോട്ടു നേട്ടങ്ങൾ സ്വന്തമാക്കാനായി നല്ലതുപോലെ കഷ്ടപ്പെടാൻ തയ്യാറാവുക.

നാളെകളിൽ നിരാശപ്പെടാതിരിക്കാൻ ഇന്നിപ്പോൾ നമ്മൾക്ക് ലഭിച്ച സമയത്തെ വേണ്ടതുപോലെ പ്രയോജനപ്പെടുത്തുക.

കഴിഞ്ഞതിനെപറ്റി ചിന്തിച്ചു നിരാശപ്പെടാതിരിക്കാൻ, സമയം പാഴാക്കാതിരിക്കാൻ നമ്മൾ ഓരോരുത്തർക്കും ഇനിയുള്ള കാലം സാധിക്കട്ടെ.