motivation-325

ലോകത്തിൽ ജനിച്ച ഏതൊരു മനുഷ്യനും ചെറുതും, വലുതുമായ ഒത്തിരിയേറെ വേദനകൾ ജീവിതത്തിലെ പല സാഹചര്യത്തിലുമായി ഒരുപക്ഷെ സഹിക്കേണ്ടി വന്നിട്ടുണ്ടാവാം.

നമ്മൾ അനുഭവിക്കേണ്ടതായ വേദനകൾ നമ്മൾക്ക് പകരമായി മറ്റൊരാൾക്കും അനുഭവിക്കാൻ കഴിയില്ല.

ശാസ്ത്രം പുരോഗമിച്ചതുകൊണ്ടാണ് ഇന്നിപ്പോൾ പല തരത്തിലുള്ള വേദനകൾക്കും പരിഹാരമായി ഓരോരോ കണ്ടുപിടുത്തങ്ങൾക്കും സാധിക്കുന്നത്.

നമ്മുടെ ഭാഗത്തുനിന്നും പരിശ്രമം ഉണ്ടെങ്കിലാണ് നമ്മൾ അനുഭവിക്കുന്ന വേദനകളിൽ നിന്നും മോചനം ഒരു പരിധിവരെയെങ്കിലും നേടിയെടുക്കാൻ കഴിയുകയുള്ളു.

ഏതു വേദനക്കു പിന്നിലും അതിന്റെതായ കാരണങ്ങൾ കാണും. വേദനക്കുള്ള കാരണങ്ങൾ കണ്ടെത്തി ശരിയായ വിധത്തിൽ പരിഹരിച്ചെങ്കിൽ മാത്രമേ വേദനകളിൽ നിന്നും മോചനം നേടിയെടുക്കാൻ കഴിയുകയുള്ളു.

വേദനകൾ നമ്മളിൽ നിന്നും ഇല്ലാതെയാവാൻ നമ്മുടെ ഭാഗത്തു നിന്നുള്ള ആത്മാർത്ഥമായ പരിശ്രമവും, സമയവും ആവശ്യമാണ്.

ചില വേദനകൾ എളുപ്പം നമ്മളിൽ നിന്നും വിട്ടുപോയേക്കാം, മറ്റു ചില വേദനകൾ നമ്മളിൽ നിന്നും അകലാൻ അതിന്റെതായ സമയം ആവശ്യമാണ്.

തെറ്റിന്റെ പിന്നാലെ പോയാൽ എന്നെങ്കിലുമൊരിക്കൽ അതിന്റെതായ വേദനകൾ നമ്മളോ, നമ്മളുമായി ബന്ധപ്പെട്ടവരോ ഒരുപക്ഷെ അനുഭവിക്കേണ്ടി വന്നേക്കാം.

നമ്മൾ ചെയ്യുന്ന തെറ്റുകൾ ആദ്യമൊക്കെ എന്തെങ്കിലും സുഖങ്ങൾ നമ്മൾക്ക് ഒരുപക്ഷെ നൽകിയേക്കാം, പക്ഷെ എങ്കിൽ പിന്നിടുള്ള കാലം വളരെയേറെ ദുഃഖങ്ങളും, ദുരിതങ്ങളും നിറഞ്ഞതായേക്കാം.തെറ്റുകൾ വഴി കിട്ടുന്ന നേട്ടങ്ങൾക്കൊന്നും തന്നെ അധികം ആയുസ്സുണ്ടാവില്ല.

നമ്മൾ ചെയ്യുന്ന തെറ്റുകൾ തിരുത്തി തരാൻ ഒരുപക്ഷെ നമ്മൾക്ക് ചുറ്റും ആരും ഉണ്ടായെന്നു വരില്ല. നമ്മൾ ചെയ്യുന്നത് തെറ്റാണെന്ന് തിരിച്ചറിയുന്ന നിമിഷം തിരുത്താനുള്ള ശ്രമങ്ങൾ നമ്മുടെ ഭാഗത്തുനിന്നും ഉണ്ടാവേണ്ടതുണ്ട്.

എന്തു തെറ്റും തുടക്കത്തിൽ തന്നെ തിരുത്താൻ ശ്രമിക്കുക. തെറ്റുകളിൽ തുടരുന്തോറും തെറ്റുകളിൽ നിന്നും മോചനം നേടിയെടുക്കാൻ കൂടുതൽ പ്രയാസങ്ങൾ നേരിടേണ്ടി വന്നേക്കാം.

വേദനകൾ ഇല്ലാത്ത ജീവിതമാണ് നമ്മൾ എല്ലാവരുടെയും ആഗ്രഹം. ഈ ലോകത്തിന്റെ പരിമിതികൾ പല തരത്തിലുള്ള വേദനകൾ നമ്മൾക്ക് സമ്മാനിക്കുന്നുണ്ട്. നമ്മുടെയും, നമ്മുടെ ചുറ്റുമുള്ളവരുടെയും വേദനകൾക്ക് പരിഹാരം കണ്ടെത്താൻ ആത്മാർത്ഥമായി പരിശ്രമിക്കാൻ ഇനിയുള്ള നാളുകളിൽ സാധിക്കട്ടെ.

ഇന്നലെകളിൽ പലർക്കുമുണ്ടായ വേദനകളിൽ നിന്നും പരിഹാരം കണ്ടെത്തിയതുകൊണ്ടാണ് ഇന്നിപ്പോൾ പലർക്കും ആ വേദനകൾ എളുപ്പം പരിഹരിക്കാൻ കഴിയുന്നത്.

നമ്മൾ അലസരായാൽ ഈ ലോകത്ത് നിന്നും ഒന്നും തന്നെ നേടിയെടുക്കാൻ കഴിയില്ല. നമ്മളുടെ പരിമിതികൾ മനസ്സിലാക്കികൊണ്ട് നമ്മൾ എല്ലാവരും ഇനിയെങ്കിലും ആത്മാർത്ഥമായി പരിശ്രമിക്കണം.

നമ്മൾക്കുള്ള വേദനകൾ നമ്മൾ തന്നെ അനുഭവിക്കണമെന്ന തിരിച്ചറിവിൽ, നമ്മൾക്ക് മുന്നിലൂടെ കടന്നുപോകുന്ന വേദനകളെ ശരിക്കും മനസ്സിലാക്കികൊണ്ട് വേണ്ട വിധത്തിൽ പരിഹരിക്കാനുള്ള ശ്രമങ്ങൾ നമ്മുടെ ഓരോരുത്തരുടെയും ഭാഗത്തു നിന്നും ഉണ്ടാവട്ടെ.