motivation-327

നമ്മൾ ചെയ്യുന്ന ഓരോ കാര്യത്തിലും അതിന്റെതായ മിതത്വം പാലിക്കേണ്ടതുണ്ട്.

എന്തും അമിതമായാൽ നമ്മൾക്കായാലും, മറ്റുള്ളവർക്കായാലും ബുദ്ധിമുട്ട് ആകുമല്ലോ.

ലോകത്തിൽ എത്രയോ ആളുകളാണ് ആവശ്യത്തിന് അടിസ്ഥാന സൗകര്യം ഇല്ലാതെ വിഷമിക്കുന്നത്. ചില സമയങ്ങളിൽ ഒരു നേരത്തെ ഭക്ഷണം പോലും കിട്ടാൻ ഇല്ലാതെ വിഷമിക്കുന്നവരും നമ്മൾക്ക് ചുറ്റിലും ധാരാളം പേരുണ്ടാകും.

എന്തു കാര്യത്തിലായാലും ആവശ്യത്തിന് മാത്രം ചിലവഴിക്കാൻ കഴിയേണ്ടതുണ്ട്.ചെറുപ്പം തൊട്ട് മിതത്വം പാലിക്കാൻ നമ്മൾ ഓരോരുത്തരും പഠിക്കണം.

എല്ലാ കാര്യങ്ങളും നമ്മൾ മറ്റുള്ളവരോട് ചോദിക്കുമ്പോഴേക്കും സാധിച്ചു കിട്ടിയാൽ പിന്നീട് സാധിക്കാത്ത കാര്യങ്ങൾ വരുമ്പോൾ ഒത്തിരിയേറെ സങ്കടങ്ങൾ നമ്മളിലേക്ക് കടന്നുവന്നേക്കാം.

മിതത്വം പാലിക്കാൻ പഠിച്ചില്ലെങ്കിൽ പണമെല്ലാം ഒരുപക്ഷെ അനാവശ്യമായി ചിലവഴിച്ചു കളഞ്ഞെന്ന് വന്നേക്കാം.

നാളെക്കായി കരുതൽ ഉണ്ടാകണമെങ്കിൽ ഇന്നിന്റെ കാര്യങ്ങളിൽ ആവശ്യമായ മിതത്വം പാലിക്കാൻ തയ്യാറാവേണ്ടതുണ്ട്.

മിതത്വം നമ്മൾക്ക് മുന്നോട്ടുള്ള നാളുകളിൽ ഉണ്ടാവണം, എങ്കിൽ മാത്രമേ നമ്മൾ ചെയ്യുന്ന ഓരോ കാര്യത്തിലും ആവശ്യങ്ങൾ നല്ല രീതിയിൽ നടത്തിയെടുക്കാൻ പലപ്പോഴും കഴിയുകയുള്ളു.

ഭക്ഷണം കഴിക്കുന്ന കാര്യത്തിൽ വേണ്ടതുപോലെ മിതത്വം പാലിച്ചില്ലെങ്കിൽ നമ്മുടെ ആരോഗ്യത്തിന് വളരെയേറെ ബുദ്ധിമുട്ട് നേരിടേണ്ടി വരുമെന്ന് നമ്മൾക്കറിയാം.

ഏതൊരു കാര്യത്തിനും സുഗമമായ മുന്നോട്ടുള്ള യാത്രക്ക് മിതത്വം ഒഴിവാക്കാൻ പാടില്ലാത്തതാണ്.

ഇന്നലെകളിൽ നമ്മൾക്ക് വേണ്ടപ്പെട്ട പലരും അവരുടെ കാര്യങ്ങളിൽ പലതിലും മിതത്വം പാലിച്ചതുകൊണ്ടാണ് നമ്മളിൽ പലർക്കും പല കാര്യങ്ങളിലും ഇന്നിപ്പോൾ ബുദ്ധിമുട്ടില്ലാതെ മുന്നോട്ട് പോകുവാൻ സാധിച്ചിട്ടുള്ളത്.

വരും തലമുറക്കായി എന്തെങ്കിലും കരുതൽ ഉണ്ടാവണമെങ്കിൽ നമ്മൾ ഓരോരുത്തരും ആവശ്യകാര്യങ്ങളിലെങ്കിലും മിതത്വം കാണിക്കാൻ മറക്കാതിരിക്കുക.

നമ്മൾ ഓരോരുത്തരും ഓരോ കാര്യത്തിലും ആവശ്യമായ മിതത്വം പാലിക്കാൻ പഠിച്ചുകഴിഞ്ഞാൽ നാളെകളിൽ അതിന്റെതായ ഗുണങ്ങൾ ആർക്കെങ്കിലും ഒരുപക്ഷെ ലഭിക്കുമായിരിക്കും.

എന്തു കാര്യത്തിലും ആവശ്യമായ മിതത്വം പാലിക്കാൻ നമ്മൾ എല്ലാവർക്കും ഇനിയുള്ള നാളുകളിൽ സാധിക്കട്ടെ.