motivation-288

നമ്മൾ എല്ലാവർക്കും തന്നെ പല കാര്യത്തിലും ധാരാളം പരിമിതികൾ ഉള്ളവരാണ്. ചുറ്റുപാടുമുള്ള പരിമിതികൾ മനസ്സിലാക്കി ആവശ്യമായ തിരിച്ചറിവ് നേടേണ്ടതുണ്ട്.

പരിമിതികൾ ആർക്കും എപ്പോൾ വേണമെങ്കിലും കടന്നുവരാം. നമ്മൾ ഇന്നിപ്പോൾ നേരിട്ടുകൊണ്ടിരിക്കുന്ന പരിമിതികൾക്കെതിരെ പോരാടുവാൻ നമ്മൾ ഓരോരുത്തർക്കും കഴിയേണ്ടതുണ്ട്.

നമ്മുടെ ഭാഗത്തു നിന്നും പരിശ്രമം ഉണ്ടെങ്കിൽ മാത്രമേ പരിമിതികളെ ഒരു പരിധിവരെയെങ്കിലും അകറ്റാൻ കഴിയുകയുള്ളു.

നമ്മൾ ഇന്നലെകളിലെ പരാജയങ്ങളെയോർത്ത്, സങ്കടങ്ങളെയോർത്ത് നിരാശയിൽ കഴിഞ്ഞാൽ, അലസരായാൽ നമ്മുടെ പരിമിതികൾ ഒന്നും തന്നെ നമ്മളെ വിട്ടകലുകയില്ല.

നമ്മൾക്കുള്ള പരിമിതികൾ നമ്മൾ ഓരോരുത്തരും തിരിച്ചറിയേണ്ടതുണ്ട്. നാളെകളിൽ നമ്മൾക്ക് നേട്ടങ്ങൾ നേടണമെങ്കിൽ പരിമിതികൾ മനസ്സിലാക്കികൊണ്ട് ആവശ്യമായ മുൻകരുതൽ സ്വീകരിച്ചുകൊണ്ട് പ്രവർത്തിക്കേണ്ടതുണ്ട്.

നമ്മളിലെ പരിമിതികൾ തിരിച്ചറിയാനും, അതെല്ലാം വേണ്ട വിധത്തിൽ പരിഹരിക്കാനും ശ്രമിക്കേണ്ടതുണ്ട്.

മറ്റുള്ളവരിലേ പരിമിതികൾ കണ്ടുകൊണ്ട് അവരെ കളിയാക്കാൻ, കുറ്റപ്പെടുത്താൻ ശ്രമിക്കരുത്, നമ്മൾക്കും എന്തെങ്കിലും തരത്തിലുള്ള പരിമിതികളുണ്ടെന്ന് തിരിച്ചറിയേണ്ടതുണ്ട്. നമ്മളിലെ പല പരിമിതികളും എളുപ്പത്തിൽ പരിഹരിക്കാൻ കഴിയണമെന്നില്ല.

ഇന്നലെകളിലെ പരിമിതികളെ അതിജീവിക്കാൻ കഴിഞ്ഞതുകൊണ്ടാണ് ഇന്നിപ്പോൾ നമ്മളിൽ പലർക്കും നേട്ടങ്ങൾ സ്വന്തമാക്കാൻ കഴിഞ്ഞിട്ടുള്ളത്.

നാളിതുവരെയുള്ള പരിമിതികൾ മനസ്സിലാക്കി മുന്നേറാൻ ശ്രമിക്കാൻ നമ്മൾ എല്ലാവർക്കും സാധിക്കട്ടെ.